Qostanai oblysynda karantin sharalary qaita kúsheidi. Búgin oblys ákimdigi janyndaǵy jedel shtab osyndai sheshim shyǵardy, dep habarlaidy "Ult aqparat".
Sońǵy kúnderi oblysta epidemiologiialyq ahýal kúrdelene tústi. Osyǵan bailanysty covid-19 aýrýynyń odan ári taralýyna jol bermeý maqsatynda oblystyq jedel shtab 9 qarashadan bastap 2 apta merzimge karantin sharalaryn qatańdatý týraly sheshim qabyldady.
Karantin sharalary tómendegidei:
- Qostanai qalasynyń perimetri boiynsha blokpostar ornata otyryp, sondai-aq QR Memlekettik shekarasy arqyly avtoótpe joldar aýdanynda karantin engiziledi;
- KVI-men syrqattanýshylyqtyń kún saiynǵy ósimi 10-nan astam jaǵdaidy quraityn eldi mekenderde sanitariialyq blokposttar ornatý;
- PTR anyqtamasy joq júk kóligi men jolaýshylardyń Qostanai oblysyna kirýine tyiym salynsyn, olar bolmaǵan jaǵdaida adamdar tekserý úshin 2 kúnge deiingi merzimge karantindik gospitalǵa jiberiledi;
- áýe qatynasy jolaýshylaryna teris nátijesi bar PTR-anyqtamalardyń mindetti túrde bolýy (berilgen sátten bastap 3 táýlikten artyq emes);
- áýejailarǵa, temir jol vokzaldaryna kútip alatyn jáne shyǵaryp salatyn tulǵalardy kirgizýge tyiym salý (bilet bolǵan jaǵdaida ǵana ótkizip alý);
- temir jol tasymaldarynyń kólemi men kezeńdiligin qysqartý («Qazaqstan temir joly» AQ-men kelisim boiynsha);
- Qostanai oblysy eldi mekenderiniń aýmaǵy boiynsha turǵyndardyń júrip-turýy saǵat 21:00-den 06:00-ge deiin shektelsin;
- qoǵamdyq kólik jumysyna otyratyn oryn sany boiynsha saǵat 06.00-den saǵat 20.00 - ge deiin bastap ruqsat berý. Demalys jáne mereke kúnderi qoǵamdyq kóliktiń jumysyn toqtata turý;
- dini obektilerdiń (meshitter, shirkeýler, soborlar, sinagogalar jáne t. b.) qyzmetin toqtata turý;
- mádeniet obektileriniń (jeke, toptyq daiyndyqtar), kitaphanalardyń, murajailardyń qyzmetin toqtata turý;
- jumys kúnderi saǵat 08.00-den bastap saǵat 21.00 - ge deiin jumys rejimin shektei otyryp, bir mezgilde 30-dan aspaityn kelýshiler bolǵan jaǵdaida úi-jailardaǵy qoǵamdyq tamaqtandyrý obektileriniń, saǵat 21.00-den keiingi jumys tek alyp ketýge jáne jetkizýge, saltanatty, otbasylyq, estelik, ujymdyq is-sharalardy ótkizbei ruqsat berý. Jeksenbi jáne mereke kúnderi saǵat 21.00-den keiin jumys tek alyp ketýge jáne jetkizýge;
- 08.00-den bastap 19.00-ge deiin jumys rejimimen aldyn ala jazylý boiynsha sulýlyq salondarynyń, shashtarazdardyń, SPA-ortalyqtardyń, kosmetologiialyq qyzmet kórsetetin obektilerdiń qyzmetine ruqsat berý. Jeksenbi kúnderi toqtata turý;
- jumys kúnderi aldyn ala jazylý boiynsha fitnes-ortalyqtardyń, jattyǵý zaldarynyń jáne sporttyq-saýyqtyrý ortalyqtarynyń qyzmetine ruqsat berý, jumys ýaqyty saǵat 08.00-den bastap 19.00-ge deiin bir kelýshige 50% - dan aspaityn jáne 5 sharshy metrden kem emes toltyrylýyn qamtamasyz etý kezinde. Demalys jáne mereke kúnderi toqtatyla tursyn;
- sportshylardyń Qazaqstan Respýblikasynan tys jerlerde oqý-jattyǵý jiyndary men jarystarǵa qatysýy úshin ketýine tyiym salý;
- jerleý is-sharalaryn ótkizý kezinde keminde 2 metr qashyqtyqty saqtai otyryp, 20-dan astam adamnyń (otbasy músheleriniń, jaqyn týystarynyń) jinalýyna jol bermeý;
- kúndizgi rejimde keńester (otyrystar) ótkizýge tyiym salý.
- memlekettik organdar, kvazimemlekettik sektor qyzmetkerleriniń 80% - ynyń jumysyn qashyqtyqtan rejimge kóshirý;
- jolaýshylar sany 2 adamnan aspaityn, saǵat 21:00-den 06.00-ge deiin taksidiń júrip-turýyn shekteý;
- teatrlardyń, kinoteatrlardyń qyzmetin toqtata turý;
- saýda úileri, saýda ortalyqtary, azyq-túlik emes dúkender úshin jumys rejimin 10:00-den 20:00-ge deiin shekteý.
- azyq-túlik dúkenderiniń jumys rejimin saǵat 08:00-den 21:00-ge deiin shekteý;
- termopark jumysyn jabý;
- demalys jáne mereke kúnderi qalaaralyq qoǵamdyq kóliktiń qozǵalysy toqtatyla tursyn.
«Sizderden jeke qaýipsizdik sharalaryn saqtaýǵa baiypty qaraýyńyzdy suraimyz. Adamdarmen bailanysty azaitý, áleýmettik qashyqtyqty saqtaý, kúndelikti ómirde barlyq saqtyq sharalaryn sanaly túrde saqtaý mańyzdy. Keiinnen shekteý sharalaryn alyp tastaý týraly barlyq sheshimder qalyptasyp otyrǵan epidjaǵdaidy eskere otyryp qabyldanatyn bolady. Tek ortaq kúsh-jigerdiń arqasynda biz koronavirýstyq infektsiianyń jappai taralýyn toqtata alamyz, óz ómirimizdi jáne jaqyndarymyzdyń ómirin saqtai alamyz» delingen jedel shtab habarlamasynda.
