Biylǵy oqý jylyna bólingen 88 myń granttyń kóbi óz iesin tapqan. Jalpy grant taǵaiyndaý jumystary 25 tamyzǵa deiin aiaqtalýǵa tiis. Bul týraly QR Ǵylym jáne joǵary bilim ministrligi Joǵary jáne joǵary oqý ornynan keiingi bilim departamenti direktorynyń orynbasary Erjan Ámirbekuly aitty, dep habarlaidy QazAqparat agenttigi.
«Qazirgi tańda oqýǵa qabyldaý protsesi júrip jatyr. Qansha stýdenttiń grantqa qabyldanǵany týraly naqty aqparatty 25 tamyzǵa qarai beremiz. Ózderińiz bilesizder, biyl Memleket basshysynyń tapsyrmasymen qosymsha 88 myńǵa jýyq grant bólindi. Onyń kóbi óz iegerin tapty. Al ári qarai osy granttyń qalǵan bóligin taǵaiyndaý, aqyly bólimge qabyldaý jumystary qazir jalǵasyp jatyr», - dedi ol BAQ ókilderiniń suraǵyna bergen jaýabynda.
Sondai-aq, vedomstvo ókili oqý men jataqhana baǵasy ministrdiń jiti baqylaýynda ekenin aityp, ata-analarǵa qatty qobaljymaýǵa keńes berdi.
«Jalpy ata-analardyń qatty qobaljýyna sonshalyq negiz joq. Sebebi bul máselelerdiń bárin Ǵylym jáne joǵary bilim ministri jiti qadaǵalap otyr. Sondyqtan ministrlik te, joǵary oqý oryndary da baǵa saiasatyna bailanysty, stýdentterdiń turmys-tirshiligine bailanysty búkil tapsyrmalardy qadaǵalap otyrady», - dedi Erjan Ámirbekuly.
