Almatyda 83 jastaǵy aqsaqal koronavirýstan emdelip shyqty. Bul týraly qalalyq balalar klinikalyq juqpaly aýrýlar aýrýhanasynyń bas dárigeri Erjan Seralin aitty, dep habarlaidy "Ult aqparat".
Búgin ótken baspasóz máslihatynda Erjan Seralin pediatrlardyń eresekterdi emdeýge qalai beiimdelgenin aitty.
Pandemiia bastalǵan kezde qalalyq Balalar klinikalyq juqpaly aýrýhanasynyń jartysynda eresek adamdarǵa arnalǵan Covid-19 gospitali ashylǵan bolatyn.
«Bizdiń balalar aýrýhanamyz, bizdiń dárigerler eresek adamdardy emdeýge tez beiimdeldi. Stýdentter arasynda pediatrlar terapiia jáne basqa da mamandyqtar boiynsha eresekter men balalarǵa qatysty jan-jaqty jáne aralas mamandyqtarda barlyq bazalyq pánder ótedi. Sonymen qatar, qajet bolǵan jaǵdaida, biz qalanyń barlyq qajetti mamanynan tolyq kólemde meditsinalyq kómek kórsetý úshin keńes alýǵa múmkindigimiz bar. Tipti, jaqynda bizdiń dárigerler 83 jastaǵy qariiany sátti emdep jazdy», - dedi E.Seralin.
