Astanada zeinetker 7 jasar shóberesine jynystyq zorlyq kórsetken, dep habarlaidy ult.kz.
Astanada 82 jastaǵy qariia jeti jasar shóberesine jynystyq zorlyq kórsetken. Sot qariiany 20 jylǵa bas bostandyǵynan aiyrdy.
Zeinetker QR Qylmystyq kodeksiniń 121-baby 4-bóligi («Seksýaldyq sipattaǵy zorlyq-zombylyq áreketteri») boiynsha kináli dep tanyldy.
Bul týraly «NeMolchiKZ» qorynyń jetekshisi Dina Smaiylova óziniń Facebook paraqshasynda jazdy. Oqiǵa balanyń týǵan kúnin toilaý kezinde, týystary jinalǵan shańyraqta bolǵan. Qariianyń áreketin otbasy músheleriniń ózi kórgen.
Dina Smaiylovanyń aitýynsha, qyzdyń anasy qorǵa 2025 jyldyń 5 sáýirinen 6-na qaraǵan túni habarlaǵan.
«Bul ata óte pysyq bolyp shyqty. Ol qylmys jasaǵannan keiin qashyp ketip, politsiia ustaǵansha bir táýlik boiy izin jasyrýǵa tyrysqan», – dep jazdy quqyq qorǵaýshy.
Smailovanyń jazýynsha, otbasyndaǵylardyń keibireýi onyń egde jasyna bailanysty isti sotqa jetkizbeýge shaqyrǵandar bolǵan eken.
