استانادا زەينەتكەر 7 جاسار شٶبەرەسٸنە جىنىستىق زورلىق كٶرسەتكەن, دەپ حابارلايدى ult.kz.
استانادا 82 جاستاعى قارييا جەتٸ جاسار شٶبەرەسٸنە جىنىستىق زورلىق كٶرسەتكەن. سوت قارييانى 20 جىلعا باس بوستاندىعىنان ايىردى.
زەينەتكەر قر قىلمىستىق كودەكسٸنٸڭ 121-بابى 4-بٶلٸگٸ («سەكسۋالدىق سيپاتتاعى زورلىق-زومبىلىق ەرەكەتتەرٸ») بويىنشا كٸنەلٸ دەپ تانىلدى.
بۇل تۋرالى «نەمولچيKZ» قورىنىڭ جەتەكشٸسٸ دينا سمايىلوۆا ٶزٸنٸڭ Facebook پاراقشاسىندا جازدى. وقيعا بالانىڭ تۋعان كٷنٸن تويلاۋ كەزٸندە, تۋىستارى جينالعان شاڭىراقتا بولعان. قارييانىڭ ەرەكەتٸن وتباسى مٷشەلەرٸنٸڭ ٶزٸ كٶرگەن.
دينا سمايىلوۆانىڭ ايتۋىنشا, قىزدىڭ اناسى قورعا 2025 جىلدىڭ 5 سەۋٸرٸنەن 6-نا قاراعان تٷنٸ حابارلاعان.
«بۇل اتا ٶتە پىسىق بولىپ شىقتى. ول قىلمىس جاساعاننان كەيٸن قاشىپ كەتٸپ, پوليتسييا ۇستاعانشا بٸر تەۋلٸك بويى ٸزٸن جاسىرۋعا تىرىسقان», – دەپ جازدى قۇقىق قورعاۋشى.
سمايلوۆانىڭ جازۋىنشا, وتباسىنداعىلاردىڭ كەيبٸرەۋٸ ونىڭ ەگدە جاسىنا بايلانىستى ٸستٸ سوتقا جەتكٸزبەۋگە شاقىرعاندار بولعان ەكەن.
