Almaty oblysynda jergilikti turǵyndy nemere qaryndasyn 8 jasynan beri zorlap kelgen dep aiyptady. Oǵan qosa qyzdyń anasy bárin bilgen, biraq jasyrýǵa tyrysqan. Áleýmettik jeli qoldanýshysy Andrei Andreev Facebook-te jantúrshigerlik oqiǵanyń egjei-tegjeiin aitty, - dep habarlaidy Tengrinews.kz.
Onyń aitýynsha, oqiǵa Qarasai aýdanynda bolǵan. Zardap shekken 15 jastaǵy qyz, ata-anasy ajyrasqannan keiin aldymen ákesimen, keiin anasymen birge turady.
"Bári qaiǵyly áńgimedegidei bastalady: qyzdyń ata-anasy ajyrasyp ketken. Biraq olardyń eki balasy bar - ul men qyz. Anasyna balalary asa qajet bolmaǵannan ba, olar biraz ýaqyt ákesimen Astanada turǵan (qazirgi Nur-Sultan - avt.eskert.). Biraq keiin balalar Almatyǵa anasyna kóship keledi. Áieldiń týystarynyń aitýynsha, ol áskeri bólimde qyzmet etedi. Sol úshin qaladaǵy turǵyn úidi jalǵa alý jáne balalary úshin qandai da bir ótemaqy beriledi. Balalaryn sol úshin aldyrǵan. Degenmen áiel azamattyq nekede turady.
Sońǵy ýaqytta qyz týystarynyń úiine qonýdy shyǵarǵan. Biraq ol anasyna barýdan úzildi-kesildi bas tartty. Týystary sebebin bilýge tyrysqan. Qyzdyń aitýynsha, anasy ishimdik ishken kezde ony Shamalǵan qalasyna ápkesiniń úiine jiberedi. Onda ony ápkesiniń uly únemi zorlaidy eken. Iaǵni, nemere aǵasy. Bul jaǵdai segiz jasynda bastalǵan", - dedi ol.
Qyzdyń aitýynsha, sońǵy ret týysqan aǵasy ony 2021 jyldyń 21 naýryzynda jynystyq qatynasqa májbúrlegen. Basylym avtory qyzdyń qazir turyp jatqan týystary dereý politsiiaǵa aryz jazǵanyn aitty. Sondai-aq, Nur-Sultannan qyzdyń ákesi de kelgen.
Andrei Andreev ishki ister ministrine, politsiia departamentiniń bastyǵyna jáne Almaty oblysynyń prokýroryna, sondai-aq balalar quqyqtary jónindegi ýákilge jáne Qorǵanys ministrligine úndeý joldady.
"Erlan Turǵymbaev, aityńyzshy, qylmyskerlerdi jaýapkershilikten bosatýǵa tyryspai, adamdar quqyǵyn qorǵaityn qyzmetkerlerdi qashan jumysqa alasyz? Serik Kúdebaevqa jeke ótinish: isti jeke baqylaýyńyzǵa alyńyz. Azamat Jylqabaev, tergeýshige qatysty tekserý júrgizýińizdi suraimyz. Eger ol zań normalaryn buzsa, onda ony basqalarǵa ziian tigizbeý úshin eń qatań jazaǵa tartý kerek. Arýjan Sain, ótinemin, isti ádil tergeýde qyzdy anasynan qorǵańyz. Áskerilerge suraq: biýdjet aqshasyn kimge jáne ne úshin bóletinderińizdi tekserseńiz?",- dedi ol.
Keiin óńirdiń bas politseii Serik Kúdebaev Andrei Andreevtiń úndeýine jaýap berdi.
"Qarasai aýdandyq politsiia basqarmasyna qyzdyń ápkesi ákesi jaǵynan aryz túsirdi. Ol 2006 jyly týǵan kámeletke tolmaǵan jienine qatysty seksýaldyq sipattaǵy zorlyq-zombylyq deregi týraly málimdedi. Kúdikti - anasynyń týysy. Bul fakt boiynsha QK-nyń 121-baby 4-bóligi boiynsha qylmystyq is tirkeldi.
Sotqa deiingi tergeý barysynda tergeýshi birqatar sot saraptamalaryn taǵaiyndady. Sondai-aq, tergeý áreketterin júrgizý arqyly qylmystyq protseske qatysýshylardyń barlyq dáleli tekseriledi. Kýágerler anyqtalyp jatyr. Is boiynsha taǵaiyndalǵan sot saraptamalary men tergeý áreketteriniń nátijesi boiynsha túpkilikti sheshim qabyldanady. Qylmystyq isti tergeý barysyn jeke baqylaýyma aldym", - dedi Almaty oblysy PD bastyǵy.
