Aqmola oblysynyń Makinsk qalasynda kólik qaǵyp ketken 8 jastaǵy qyz aýrýhanada qaitys boldy. Qaiǵyly jaǵdai balanyń anasymen birge bolǵan sátinde oryn alǵan, dep habarlaidy ult.kz.
Oqiǵa 7 qyrkúiek kúni saǵat 18:00 shamasynda Máskeý kóshesinde bolǵan. Aldyn ala málimet boiynsha, Mercedes júrgizýshisi joldy belgilenbegen jerden kesip ótip bara jatqan balany qaǵyp ketken.
Qyz aýyr jaraqat alyp, meditsinalyq mekemege jetkizilgen. Alaida dárigerler onyń ómirin saqtap qala almady.
Jol apatynan keiin kólik júrgizýshisi ustalyp, ýaqytsha ustaý izoliatoryna qamaldy. Qazir politsiia oqiǵanyń barlyq mán-jaiyn anyqtap jatyr.
Alaida jergilikti turǵyndar qaiǵyly jaǵdaiǵa jol infraqurylymynyń da áseri bolýy múmkin ekenin aityp otyr. Olardyń sózinshe, oqiǵa bolǵan Máskeý kóshesinde jaiaý júrginshilerge arnalǵan trotýar joq. Kóshege ótken jyly jańa asfalt tóselgenimen, trotýar salýǵa qarajat jetpegeni aitylǵan.
Turǵyndar bul kóshede kólikterdiń jyldam júretinin aityp, jol qaýipsizdigin kúsheitýdi talap etip otyr.
Politsiia júrgizýshilerdi jyldamdyq rejimin saqtap, jolda barynsha muqiiat bolýǵa shaqyrdy.
