اقمولا وبلىسىنىڭ ماكينسك قالاسىندا كٶلٸك قاعىپ كەتكەن 8 جاستاعى قىز اۋرۋحانادا قايتىس بولدى. قايعىلى جاعداي بالانىڭ اناسىمەن بٸرگە بولعان سەتٸندە ورىن العان, دەپ حابارلايدى ult.kz.
وقيعا 7 قىركٷيەك كٷنٸ ساعات 18:00 شاماسىندا مەسكەۋ كٶشەسٸندە بولعان. الدىن الا مەلٸمەت بويىنشا, Mercedes جٷرگٸزۋشٸسٸ جولدى بەلگٸلەنبەگەن جەردەن كەسٸپ ٶتٸپ بارا جاتقان بالانى قاعىپ كەتكەن.
قىز اۋىر جاراقات الىپ, مەديتسينالىق مەكەمەگە جەتكٸزٸلگەن. الايدا دەرٸگەرلەر ونىڭ ٶمٸرٸن ساقتاپ قالا المادى.
جول اپاتىنان كەيٸن كٶلٸك جٷرگٸزۋشٸسٸ ۇستالىپ, ۋاقىتشا ۇستاۋ يزولياتورىنا قامالدى. قازٸر پوليتسييا وقيعانىڭ بارلىق مەن-جايىن انىقتاپ جاتىر.
الايدا جەرگٸلٸكتٸ تۇرعىندار قايعىلى جاعدايعا جول ينفراقۇرىلىمىنىڭ دا ەسەرٸ بولۋى مٷمكٸن ەكەنٸن ايتىپ وتىر. ولاردىڭ سٶزٸنشە, وقيعا بولعان مەسكەۋ كٶشەسٸندە جاياۋ جٷرگٸنشٸلەرگە ارنالعان تروتۋار جوق. كٶشەگە ٶتكەن جىلى جاڭا اسفالت تٶسەلگەنٸمەن, تروتۋار سالۋعا قاراجات جەتپەگەنٸ ايتىلعان.
تۇرعىندار بۇل كٶشەدە كٶلٸكتەردٸڭ جىلدام جٷرەتٸنٸن ايتىپ, جول قاۋٸپسٸزدٸگٸن كٷشەيتۋدٸ تالاپ ەتٸپ وتىر.
پوليتسييا جٷرگٸزۋشٸلەردٸ جىلدامدىق رەجيمٸن ساقتاپ, جولدا بارىنشا مۇقييات بولۋعا شاقىردى.
