Memleket nesieleý baǵdarlamalaryn qarjylandyrýdy kezeń-kezeńimen aiaqtaýdy josparlap otyr. Bul týraly QR Qarjy naryǵyn retteý jáne damytý agenttiginiń tóraǵasy Mádina Ábilqasymova málim etti, dep habarlaidy QazAqparat
«Álemdik daǵdarys jáne onyń ekonomikaǵa tigizetin áserin eskerip, naryq printsipterine jol bere otyryp, memlekettiń nesieleý baǵdarlamalarynan birtindep shyǵýyn qamtamasyz etý mańyzdy. Osyǵan bailanysty, Úkimet, Ulttyq bank jáne Agenttik arasynda jyldyń basynda 2021-2023 jyldarǵa arnalǵan makroekonomikalyq saiasat sharalaryn úilestirý týraly kelisimge qol qoiylǵan bolatyn. Kelisim aiasynda 2023 jyldan bastap Ulttyq bank memlekettik baǵdarlamalardy qarjylandyrmaidy», - dedi Mádina Ábilqasymova CFO IDEA EXCHANGE & NETWORKING SUMMIT barysynda.
Onyń aitýynsha, 2021 jyly «Baspana Hit», 2022 jyly «7-20-25» baǵdarlamalaryn qarjylandyrý aiaqtalady.
«Úkimet óz kezeginde tikelei qarjylandyrýdan kásipkerlik sýbektileriniń nesielik táýekelderine kepildik berýge kóshý múmkindigin qarastyrady», - dep atap ótti Mádina Ábilqasymova.
