Jambyl oblysynda politseiler 600 kelige jýyq esirtki zatyn tárkiledi. Úsh kúdikti esirtki quramdas ósimdikterdi jinap jatqan jerinen ustalǵan, dep habarlaidy ult.kz.
«Qarasora-2026» jedel-profilaktikalyq is-sharasy aiasynda oblystyq politsiia departamentiniń esirtki qylmysyna qarsy is-qimyl basqarmasy jedel-izdestirý sharalaryn júrgizgen. Operatsiiaǵa IIM-niń Esirtki qylmysyna qarsy is-qimyl departamenti, Ulttyq ulannyń 5513 áskeri bóliminiń «Búrkit» arnaiy jasaǵy jáne politsiianyń kinologiialyq ortalyǵynyń qyzmetkerleri jumyldyrylǵan.
Esirtki zattaryn izdeýge Letta esimdi qyzmettik it te tartylǵan.
Politsiianyń málimetinshe, T. Rysqulov aýdanyndaǵy Qonaev aýylynyń mańyndaǵy qumdy alqapta úsh er adam ustalǵan. Olar esirtki quramdas ósimdikterdi asa iri mólsherde zańsyz jinady degen kúdikke ilingen.
Aýmaqty tekserý kezinde jalpy salmaǵy 595 keli 440 gramm esirtki zattary men quramynda esirtki bar ósimdikter tárkilendi. Sonymen qatar ósimdikterdi jinaýǵa paidalanylýy múmkin úsh oraq tabylǵan.
Atalǵan derek boiynsha QR Qylmystyq kodeksiniń 297-baby 3-bóligimen sotqa deiingi tergep-tekserý bastaldy. Úsh kúdikti ýaqytsha ustaý izoliatoryna qamaldy.
Tergeý jalǵasyp jatyr.
