Atyraýda 17 jastaǵy qyzdy zorlap, júkti etken er adamǵa qatysty is toqtatylǵan, dep habarlaidy ult.kz.
Stan.kz dereginshe, Atyraýda 17 jastaǵy qyzdy jynystyq qatynasqa májbúrlep, keiin júkti etken er adamǵa qatysty is boiynsha daý týyndady.
Jábirlenýshiniń aitýynsha, er adam ony jynystyq qatynasqa májbúrlegen. Keiin qyz óziniń júkti ekenin bilgen. Osydan soń er adam oǵan turmysqa shyǵýdy usynǵan. Alaida sol ýaqytta onyń áieli jáne alty balasy bolǵan.
«Ol maǵan fizikalyq kúsh kórsete bastady. Osyndai jaǵdailardyń birinen keiin politsiiaǵa aryz túsirdim. Alaida er adamnyń áieli keshirim suraǵannan keiin aryzymdy keri qaitaryp aldym», – deidi jábirlenýshi.
Qyzdyń sózinshe, ol sońǵy ret tamyz aiynda politsiiaǵa aryz jazǵan. Alaida keiin qylmystyq istiń toqtatylǵanyn bilgen.
Qazir jábirlenýshi 18 jasta. Onyń aitýynsha, bolǵan jaǵdaidy osy ýaqytqa deiin otbasy múshelerinen jasyryp kelgen.
