اتىراۋدا 17 جاستاعى قىزدى زورلاپ, جٷكتٸ ەتكەن ەر ادامعا قاتىستى ٸس توقتاتىلعان, دەپ حابارلايدى ult.kz.
Stan.kz دەرەگٸنشە, اتىراۋدا 17 جاستاعى قىزدى جىنىستىق قاتىناسقا مەجبٷرلەپ, كەيٸن جٷكتٸ ەتكەن ەر ادامعا قاتىستى ٸس بويىنشا داۋ تۋىندادى.
جەبٸرلەنۋشٸنٸڭ ايتۋىنشا, ەر ادام ونى جىنىستىق قاتىناسقا مەجبٷرلەگەن. كەيٸن قىز ٶزٸنٸڭ جٷكتٸ ەكەنٸن بٸلگەن. وسىدان سوڭ ەر ادام وعان تۇرمىسقا شىعۋدى ۇسىنعان. الايدا سول ۋاقىتتا ونىڭ ەيەلٸ جەنە التى بالاسى بولعان.
«ول ماعان فيزيكالىق كٷش كٶرسەتە باستادى. وسىنداي جاعدايلاردىڭ بٸرٸنەن كەيٸن پوليتسيياعا ارىز تٷسٸردٸم. الايدا ەر ادامنىڭ ەيەلٸ كەشٸرٸم سۇراعاننان كەيٸن ارىزىمدى كەرٸ قايتارىپ الدىم», – دەيدٸ جەبٸرلەنۋشٸ.
قىزدىڭ سٶزٸنشە, ول سوڭعى رەت تامىز ايىندا پوليتسيياعا ارىز جازعان. الايدا كەيٸن قىلمىستىق ٸستٸڭ توقتاتىلعانىن بٸلگەن.
قازٸر جەبٸرلەنۋشٸ 18 جاستا. ونىڭ ايتۋىنشا, بولعان جاعدايدى وسى ۋاقىتقا دەيٸن وتباسى مٷشەلەرٸنەن جاسىرىپ كەلگەن.
