5G tehnologiiasyna kóshken kezde bailanys tarifi kóterilmeidi.
Bul týraly búgin Úkimet úiindegi baspasóz máslihatynda QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev aitty, dep habarlaidy QazAqparat.
«Birinshiden 5G engizý úshin Úkimetten aqsha bólinbeidi. Óitkeni, bul jeke operatorlardyń jumysy. Ekinshiden, 5G tehnologiiasy qymbat bolǵandyqtan eń aldymen qalalarda engizemiz. tehnikalyq jabdyqtaryn kompaniialarmen aqyldasamyz. Qazirgi tańda dúniejúzinde de 5G tek qana qalalarda engizilip jatyr. Biraq, bolashaqta múmkindik bolyp jatsa shaǵyn eldi mekenderge de engizý jaǵyn qarastyramyz»,- dedi ministr BAQ ókilderiniń saýalyna orai.
Sonymen qatar ol 4G-den 5G tehnologiiasyn kóshken kezdegi bailanys tarifterine qatysty saýalǵa da jaýap berdi.
«Tarifterge qatysty aitar bolsam, 3G-den -den 4G-ge aýysqan kezde bailanys qunyn ózgertken joqpyz. Aldaǵy ýaqytta da dál osyndai jumys júrgiziledi. 5G-ge kóshken kezde tarifterdi kótermeimiz», - dedi Asqar Jumaǵaliev.
