Qostanai oblysynda 5 jastaǵy qyzdy izdestirý jumystary jalǵasyp jatyr, - dep habarlaidy Tengrinews.kz agenttigi.
Jedel shtabtyń kezekti otyrysy ótti. Oǵan Qostanai oblysy ákiminiń birinshi orynbasary Gaýez Nurmuhambetov qatysqan.
Caǵat 16.00-de taratqan aqparat boiynsha, qyz áli tabylǵan joq.
"Saǵat 16.00-degi izdeý aimaǵy Jambyl aýyly - Tobyl ózeni, Altyn dala aýyly, Qostanai qalasy, Samir aýyly. Izdestirý tórt baǵytta júrip jatyr. Shtab otyrysynda egistikke azyq-túlik pen sý qaldyryp, olarǵa áýe sharlaryn bailaý uiǵarylǵany aityldy. Bul izdeý júieleri úshin signal beretin nusqa bolady. Ár óriste osy protsesti baqylaityn baqylaýshylar bar. Áýeden baqylaý jalǵasyp jatyr", - delingen habarlamada.
Vedomstvo málimetinshe, keshki altydan keiin balany izdeýge kómekke kelgen Rýdnyi deltaklýbynyń nusqaýshylary alańdardy josparlaidy.
