Qazaqstan aýmaǵynda 5 shildeden bastap karantin sharalarynyń kúsheitilýine bailanysty birqatar jolaýshylar poiyzynyń júrý kestesi ózgerdi. Bul týraly QR Indýstriia jáne infraqurylymdyq damý ministrligi habarlady.
Buǵan deiin 1 shildeden bastap 3 kommertsiialyq poiyzdyń qatynaýy ýaqytsha toqtaǵanyn jazǵan bolatynbyz. Olar:
- №19/20 «Nur-Sultan-Atyraý»;
- №95/96 « Nur-Sultan-Oral»;
- №701/702 «Nur-Sultan-Almaty».
Eske sala ketsek, búgin QR Premer-Ministri Asqar Maminniń tóraǵalyǵymen ótken Memlekettik komissiia otyrysynda 5 shildeden bastap elimizde 14 kúnge qatań shekteý sharalaryn engizý sheshimi qabyldandy.
Olardyń arasynda temirjol kóligimen jolaýshylardy tasymaldaý boiynsha da shekteýler bar.
Osyǵan orai, 5 shildeden bastap áleýmettik mańyzy bar birqatar baǵyttarǵa ózgeris engiziledi:
1. №321/322 «Almaty – Saryaǵash» jolaýshylar poiyzy toqtatylady.
2. Kelesi baǵyttardyń qatynaý jiiligi qysqarady:
- №3/4 «Almaty-Nur-Sultan» kúnara (kún saiynnyń ornyna);
- № 31/32 «Almaty-Pavlodar» kúnara (kún saiynnyń ornyna)
- № 67/68 «Nur-Sultan-Óskemen» kúnara (kún saiynnyń ornyna)
- №257/258 «Nur-Sultan-Dostyq» aptasyna 1 ret (aptasyna 2 rettiń ornyna).
Aita keteiik, Qazaqstan aýmaǵynda tótenshe jaǵdai rejimi alynǵannan keiin, poiyz qatynasy kezeń-kezeńimen qalpyna keltirile bastaǵan bolatyn.
Búgingi tańda jalpy alǵanda 93 poiyz reisterdi oryndaýda.
