قازاقستان اۋماعىندا 5 شٸلدەدەن باستاپ كارانتين شارالارىنىڭ كٷشەيتٸلۋٸنە بايلانىستى بٸرقاتار جولاۋشىلار پويىزىنىڭ جٷرۋ كەستەسٸ ٶزگەردٸ. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترلٸگٸ حابارلادى.
بۇعان دەيٸن 1 شٸلدەدەن باستاپ 3 كوممەرتسييالىق پويىزدىڭ قاتىناۋى ۋاقىتشا توقتاعانىن جازعان بولاتىنبىز. ولار:
- №19/20 «نۇر-سۇلتان-اتىراۋ»;
- №95/96 « نۇر-سۇلتان-ورال»;
- №701/702 «نۇر-سۇلتان-الماتى».
ەسكە سالا كەتسەك, بٷگٸن قر پرەمەر-مينيسترٸ اسقار ماميننٸڭ تٶراعالىعىمەن ٶتكەن مەملەكەتتٸك كوميسسييا وتىرىسىندا 5 شٸلدەدەن باستاپ ەلٸمٸزدە 14 كٷنگە قاتاڭ شەكتەۋ شارالارىن ەنگٸزۋ شەشٸمٸ قابىلداندى.
ولاردىڭ اراسىندا تەمٸرجول كٶلٸگٸمەن جولاۋشىلاردى تاسىمالداۋ بويىنشا دا شەكتەۋلەر بار.
وسىعان وراي, 5 شٸلدەدەن باستاپ ەلەۋمەتتٸك ماڭىزى بار بٸرقاتار باعىتتارعا ٶزگەرٸس ەنگٸزٸلەدٸ:
1. №321/322 «الماتى – سارىاعاش» جولاۋشىلار پويىزى توقتاتىلادى.
2. كەلەسٸ باعىتتاردىڭ قاتىناۋ جيٸلٸگٸ قىسقارادى:
- №3/4 «الماتى-نۇر-سۇلتان» كٷنارا (كٷن سايىننىڭ ورنىنا);
- № 31/32 «الماتى-پاۆلودار» كٷنارا (كٷن سايىننىڭ ورنىنا)
- № 67/68 «نۇر-سۇلتان-ٶسكەمەن» كٷنارا (كٷن سايىننىڭ ورنىنا)
- №257/258 «نۇر-سۇلتان-دوستىق» اپتاسىنا 1 رەت (اپتاسىنا 2 رەتتٸڭ ورنىنا).
ايتا كەتەيٸك, قازاقستان اۋماعىندا تٶتەنشە جاعداي رەجيمٸ الىنعاننان كەيٸن, پويىز قاتىناسى كەزەڭ-كەزەڭٸمەن قالپىنا كەلتٸرٸلە باستاعان بولاتىن.
بٷگٸنگٸ تاڭدا جالپى العاندا 93 پويىز رەيستەردٸ ورىنداۋدا.
