Foto: QR Qorǵanys ministrligi baspasóz qyzmeti
Qazaqstanda 5 myńnan asa sarbaz 1 milliard 875 million teńge somasyna kredittik demalys aldy, - dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Qorǵanys ministrligi men QR Qarjy naryǵyn retteý jáne damytý agenttigi arasyndaǵy ózara yntymaqtastyq týraly memorandýmnyń nátijesinde boryshyn ótep júrgen áskeri qyzmetshilerge banktik qaryzdar men shaǵyn nesielik tólemderin keiinge qaldyrý tájiribesi rettelgen.
"Búginde 5 myńnan astam sarbazdyń 1 mlrd 875 mln teńge nesiesi keiinge qaldyryldy. Qazirgi ýaqytta bankter men mikrokredittik uiymdarda 1,6 mlrd teńge somasyna 5 myńǵa jýyq áskeri qyzmetshiniń ótinishteri qaralý ústinde.
Odan bólek qorǵanys vedomstvosynyń bul bastamasy zań júzinde bekitýdi jáne múddeli uiymdardyń birlesken tehnikalyq sheshimin talap etedi.
Qorǵanys ministrligi sarbazdar úshin áleýmettik qoldaý sharalaryn zań turǵysynda retteý maqsatynda «Áskeri qyzmet jáne áskeri qyzmetshiniń mártebesi týraly» QR Zańyna 50-1-bapty engizýge bastamashy boldy. Zań jobasy Parlament Májilisinde qaralyp jatyr.
Budan ózge, Qorǵanys ministrligi QR Qarjy naryǵyn retteý jáne damytý agenttigine «Bankter jáne bank qyzmeti týraly» QR Zańynyń 34-babyna jáne «Mikroqarjylyq qyzmeti týraly» QR Zańynyń 7-babynyń 2-tarmaǵyna tolyqtyrýlar engizý jóninde usynystaryn bildirdi. Vedomstvo negizgi qaryz ben syiaqy boiynsha tólemdi keiinge qaldyrý tártibin belgileitin normalarǵa sarbazdardan basqa qaryz alýshylar qataryna áskeri jiyndarǵa shaqyrylǵan azamattardy da qosýdy usynyp otyr" - delingen habarlamada.
Ministrlik málimetinshe, nesieni keiinge qaldyrý áskeri jiyndaǵy búkil kezeńge beriledi dep kútilýde. Bul rette málimet almasý múddeli organdardyń aqparattyq júieleriniń ózara is-qimyly arqyly júzege asyrylýǵa tiis.
"Protsesterdi avtomattandyrý úshin Uiymdastyrý-jumyldyrý jumysy departamenti Qarjy naryǵyn retteý jáne damytý agenttigimen jáne «Memlekettik kredittik biýro» AQ-men birlesip proaktivti formatta ózara is-qimyl algoritmin ázirledi.
Kredittik demalystardy avtomatty (proaktivti) túrde berý jónindegi pilottyq joba 2024 jyly iske qosylatyn bolady. Jyl sońyna deiin zapasqa shyǵarylǵan adamdardyń nesielik demalysyn toqtatý algoritmi siiaqty, munda da áskerge shaqyrý kúniniń ornyna áskeri qyzmetten bosatý kúni beriledi" - delingen habarlama mátininde.
