Qaraǵandy oblysynda latyn qarpindegi jalpyhalyqtyq diktantqa 5 myńnan astam adam qatysty, dep habarlaidy "Ult aqparat" aimaq ákimdiginiń baspasóz qyzmetine silteme jasap.
Diktant el aimaqtarynda bir mezgilde, saǵat 11.00-de bastaldy.
Qaraǵandy oblysynda jalpy respýblikalyq aktsiiaǵa 5 myńnan astam adam – stýdentter, oqytýshylar, memlekettik qyzmetkerler, etnomádeni birlestikterdiń ókilderi qoldaý kórsetti. Qatysýshylar Qaraǵandy qalasynyń Dostyq úiinde, oqý oryndarynda, aimaqtyq kitaphanalarda jinaldy.
«Diktant jazý qiyn emes. Dostyq úiiniń lingafondyq kabinetinde qazaq tilin oqimyn. Bul jobaǵa ekinshi ret qatysyp otyrmyn. Aqparattyq tehnologiialar ǵasyrynda ýaqyt óte kele alǵa jyljýymyz kerek. Latyn álipbiine kóshý – ýaqyt talaby. Bul qazaqstandyq qoǵamnyń rýhani jańǵyrýyna, memlekettik tildiń mártebesin kóterýge jáne onyń bolashaǵyn qamtamasyz etýge múmkindik beredi», - dep atap ótti oblystyq ýkrainalyq T. Shevchenko atyndaǵy «Ridne slovo» ortalyǵynyń tóraiymy Zenoviia Krasivskaia.
Jobanyń maqsaty – jalpyulttyq birlik pen kelisimdi nyǵaitý, qazaqstandyq biregeilikti qalyptastyrýǵa járdemdesý, halyq pen qoǵamdy biriktiretin faktor retinde memlekettik tildi úirenýge yntany arttyrý.
Aita keteiik, diktantty mamandar tekseredi. Úzdik qatysýshylar QHA-nyń alǵys hattaryna ie bolady.
Eske salsaq, búgin elimizde latyn grafikasy negizinde jalpyqazaqstandyq ashyq diktant ótti. Biyl Qazaqstan halqy Assambleiasynyń jobasy Jastar jylyna arnalyp, diktanttyń taqyryby «2019 jyl – Jastar jyly» ataldy.
