قاراعاندى وبلىسىندا لاتىن قارپٸندەگٸ جالپىحالىقتىق ديكتانتقا 5 مىڭنان استام ادام قاتىستى, دەپ حابارلايدى "ۇلت اقپارات" ايماق ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
ديكتانت ەل ايماقتارىندا بٸر مەزگٸلدە, ساعات 11.00-دە باستالدى.
قاراعاندى وبلىسىندا جالپى رەسپۋبليكالىق اكتسيياعا 5 مىڭنان استام ادام – ستۋدەنتتەر, وقىتۋشىلار, مەملەكەتتٸك قىزمەتكەرلەر, ەتنومەدەني بٸرلەستٸكتەردٸڭ ٶكٸلدەرٸ قولداۋ كٶرسەتتٸ. قاتىسۋشىلار قاراعاندى قالاسىنىڭ دوستىق ٷيٸندە, وقۋ ورىندارىندا, ايماقتىق كٸتاپحانالاردا جينالدى.
«ديكتانت جازۋ قيىن ەمەس. دوستىق ٷيٸنٸڭ لينگافوندىق كابينەتٸندە قازاق تٸلٸن وقيمىن. بۇل جوباعا ەكٸنشٸ رەت قاتىسىپ وتىرمىن. اقپاراتتىق تەحنولوگييالار عاسىرىندا ۋاقىت ٶتە كەلە العا جىلجۋىمىز كەرەك. لاتىن ەلٸپبيٸنە كٶشۋ – ۋاقىت تالابى. بۇل قازاقستاندىق قوعامنىڭ رۋحاني جاڭعىرۋىنا, مەملەكەتتٸك تٸلدٸڭ مەرتەبەسٸن كٶتەرۋگە جەنە ونىڭ بولاشاعىن قامتاماسىز ەتۋگە مٷمكٸندٸك بەرەدٸ», - دەپ اتاپ ٶتتٸ وبلىستىق ۋكراينالىق ت. شەۆچەنكو اتىنداعى «رٸدنە سلوۆو» ورتالىعىنىڭ تٶرايىمى زەنوۆييا كراسيۆسكايا.
جوبانىڭ ماقساتى – جالپىۇلتتىق بٸرلٸك پەن كەلٸسٸمدٸ نىعايتۋ, قازاقستاندىق بٸرەگەيلٸكتٸ قالىپتاستىرۋعا جەردەمدەسۋ, حالىق پەن قوعامدى بٸرٸكتٸرەتٸن فاكتور رەتٸندە مەملەكەتتٸك تٸلدٸ ٷيرەنۋگە ىنتانى ارتتىرۋ.
ايتا كەتەيٸك, ديكتانتتى ماماندار تەكسەرەدٸ. ٷزدٸك قاتىسۋشىلار قحا-نىڭ العىس حاتتارىنا يە بولادى.
ەسكە سالساق, بٷگٸن ەلٸمٸزدە لاتىن گرافيكاسى نەگٸزٸندە جالپىقازاقستاندىق اشىق ديكتانت ٶتتٸ. بيىل قازاقستان حالقى اسسامبلەياسىنىڭ جوباسى جاستار جىلىنا ارنالىپ, ديكتانتتىڭ تاقىرىبى «2019 jyl – Jastar jyly» اتالدى.
