Foto: Sputnik Qazaqstan
5 qarashada 45 aýdan men oblystyq mańyzy bar qalalardyń ákimderin sailaý ótedi. Bul týraly Ortalyq sailaý komissiiasynyń tóraǵasy Nurlan Ábdirov aitty, dep habarlaidy QazAqparat agenttigi.
«Biyl aýdandar men oblystyq mańyzy bar qalalardyń ákimderin sailaýy alǵash ret pilottyq rejimde ótedi. Zańnamaǵa sáikes, pilottyq óńirlerdiń tizbesin jáne aýdandar men oblystyq mańyzy bar qalalardyń ákimderin sailaýdy ótkizý kúnin belgileý jónindegi ókilettikter máslihattarǵa bekitilgen.
Sonymen 17 oblystyń máslihattary pilottyq rejimde sailaý ótkizý úshin 45 aýdan men oblystyq mańyzy bar qalalardyń tizbesin bekitti. Onyń ishinde - 3 qala jáne 42 aýdan. Sondai-aq sailaý ótkizý kúnin belgilep shyqty. Máslihattar qabyldaǵan sheshimder negizinde aýdandar men oblystyq mańyzy bar qalalar ákimderin sailaý qarasha aiynyń birinshi jeksenbisinde, iaǵni 5 qarashada ótedi», - dedi Nurlan Ábdirov komissiia otyrysynda.
Onyń atap ótýinshe, «Sailaý týraly» Konstitýtsiialyq zańnyń normalaryna sáikes, aýdandar men oblystyq mańyzy bar qalalardyń ákimderin sailaýdy tiisti aýmaqtyq sailaý komissiialary máslihattyń sheshimimen belgilengen sailaýdy ótkizetin kúnge deiin keminde 50 kún buryn, iaǵni, 15 qyrkúiekten keshiktirmei taǵaiyndaýy kerek.
«Sailaýdy jariialaý, daiyndaý men ótkizýdi uiymdastyrý, sondai-aq qorytyndylaý boiynsha airyqsha quziret aýdandar men oblystyq mańyzy bar qalalardyń aýmaqtyq sailaý komissiialaryna tiesili ekenin taǵy da atap ótkim keledi.
Ortalyq sailaý komissiiasynyń osy naýqan sheńberindegi quzireti ádistemelik jáne normativtik qamtamasyz etýde. Mundai ókilettikterdi bólý «Sailaý týraly» Konstitýtsiialyq zańda kózdelgen jáne 2021 jyldan bastap aýyldar, kentter jáne aýyldyq okýrgter ákimderin sailaý jóninde ótkiziletin naýqandar barysynda is júzinde asyrylyp keledi. Bul tásilde sailaý komissiialarynyń táýelsizdigi týraly sailaý zańnamasynyń konstitýtsiialyq qaǵdiaty, olardyń óz ókilettikterin júzege asyrý kezinde qyzmetine aralaspaý tolyq kólemde júzege asyrylady, - dedi ol.
