Biylǵy jylǵy 1 sáýirdegi jaǵdai boiynsha Memlekettik áleýmettik saqtandyrý qorynan (budan ári – MÁSQ) jumysynan aiyrylýyna bailanysty áleýmettik tólem alýshylardyń sany 48,7 myń adamdy qurady. Bul rette osy jyly 24,9 myń adamǵa alǵash ret tólem taǵaiyndaldy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Qoldanystaǵy zańnamaǵa sáikes jumystan bosatylǵan jumyskerler mindetti áleýmettik saqtandyrý júiesine qatysý ótiline jáne sońǵy 24 aidaǵy tabysyna bailanysty 1 aidan 6 aiǵa deiin jumysynan aiyrylýy boiynsha áleýmettik tólemder alady. Tólem joǵalǵan kiristiń 40%-yna deiingi mólsherde MÁSQ qarajaty esebinen júzege asyrylady.
Tólem taǵaiyndaý úshin jumystan bosatylǵan jumyskerge:
- eGov.kz portalynda avtorizatsiialaný;
- «Jumysqa ornalastyrý jáne jumyspen qamtý» bóliminde «Jumys izdeýshi adamdardy tirkeý» qyzmetin tańdaý;
- Onlain-qyzmetke tapsyrys berip, barlyq joldardy toltyrý jáne oǵan ETsQ-men qol qoiyp, ótinimdi jiberý qajet;
- bir kún ishinde turǵylyqty jerińizdegi halyqty jumyspen qamtý ortalyǵy (budan ári – HJQO) bos jumys oryndaryn usynady;
- eger jumys tabylmasa, 3 jumys kúni ishinde qashyqtyqtan jumyssyz mártebesi beriletin bolady (qajet bolǵan jaǵdaida qosymsha aqparat jinaý úshin sizge HJQO qyzmetkeri habarlasady);
Jumyssyz retinde tirkelý týraly málimetter bolǵan kezde Eńbekmininiń aqparattyq júiesi proaktivti formatta MÁSQ-tan tólemdi taǵaiyndaý boiynsha qyzmet kórsetýge kelisý úshin mobildi telefonǵa SMS-habarlama jiberedi. Kelisken jaǵdaida SMS-habarlamaǵa jaýap berý qajet. Tólem avtomatty túrde taǵaiyndalady.
Esterińizge sala keteiik, MÁSQ qarajaty esebinen jumysynan aiyrylǵan jaǵdaida tólenetin áleýmettik tólem jumystan shyǵý sebepterine qaramastan júzege asyrylady jáne jumyssyz adam jumys izdegen kezeńde ony qoldaýǵa arnalǵan.
Budan buryn habarlanǵandai, QR Eńbek jáne halyqty áleýmettik qorǵaý ministrligi Qazaqstannyń 40 qalasynyń turǵyndary úshin elektrondyq eńbek birjasy arqyly halyqty jumyspen qamtý ortalyqtarynyń qashyqtyqtan qyzmet kórsetý fýnktsionalyn iske qosty.
Pilottyq joba jumyssyzdardy tirkeý rásimderin jeńildetý jáne jumyspen qamtýdy qoldaý boiynsha memlekettik qyzmetterdi, onyń ishinde jumysynan aiyrylý boiynsha áleýmettik tólemderdi alýdy jeńildetý úshin iske qosyldy. Endi barlyǵyn tek internet, kompiýter jáne elektrondyq tsifrlyq qoltańba arqyly ǵana jasaýǵa bolady.
