QR Sybailas jemqorlyqqa qarsy is-qimyl agenttigi Adaldyq departamentiniń basshysy Daniiar Sabyrbaev jalaqysynyń kólemin atady, dep habarlaidy "Ult aqparat".
«Jalaqym - 450 myń teńge. Osyndai haiptan keiin barlyq jinalystarymdy osy máseleden bastaimyn. Bul taqyrypty qozǵaǵan jýrnalisterge rahmet», - dedi ol.
Sonymen qatar ol elimizdiń Aýyl sharýashylyǵy vitse-ministri Gúlmira Isaevanyń ótken jyldyń jeltoqsanynda 2,5 mln teńge kóleminde syiaqy alýyna qatysty aqparatqa pikir bildirdi.
«Biz jalaqymyzdy maqtan etemiz jáne muny jetistigimiz dep sanaimyz. Bir jaǵynan mundai jalaqy tólei alatyndyǵyna Aýyl sharýashylyǵy ministrligi úshin qýanyshtymyz. Vitse-ministrdiń jaýapkershilik deńgeiin, uiym úshin mundai laýazymnyń mańyzdylyq deńgeiin eskerer bolsaq, bul jalaqy laiyqty dep oilaimyn», - dedi departament basshysy.
Daniiar Sabyrbaev memlekettik qyzmetshilerdiń laiyqty jalaqy alyp, basqa máselelerge bas qatyrmaýyna tilekshi ekendigin aitty.
«Óitkeni laiyqty jalaqy – bul jemqorlyqqa qarsy is-qimyl bazisiniń biri. Memlekettik qyzmetshiler nege az jalaqy alýy tiis dep oilaisyzdar? Menińshe, ol eńbek demalysy tólemin, syiaqy alsa jáne bárin qossa 3 mln shyǵyp qalar. Múmkin ol syiaqy men úsh jyldyq eńbek demalysy tólemin alǵan shyǵar», - dedi ol.
