Foto:kursiv.media
Biýdjet qarajatyn jymqyrdy degen laýazymdy tulǵalarǵa sot úkim shyǵardy, -dep habarlaidy "Ult Aqparat".
QR Sybailas jemqorlyqqa qarsy is-qimyl agenttiginiń habarlaýynsha osy jyldyń 23 shildesinde Jetisý oblysynyń Qylmystyq ister jónindegi mamandandyrylǵan aýdanaralyq soty Taldyqorǵan qalasy Bilim bóliminiń laýazymdy tulǵalaryna qatysty úkim shyǵardy.
"Olar uiymdasqan qylmystyq top qurǵany jáne biýdjet qarajatyn jymqyrý maqsatynda qatysqany úshin sottaldy.
Turaqty uiymdasqan qylmystyq top 2020 jyldyń qańtary men 2023 jyldyń naýryzy aralyǵynda Taldyqorǵan qalasynyń aýmaǵynda quqyqbuzýshylyq is-árekettermen ainalysty.
UQT qatysýshylary bilim berý salasynda naqty jumys istemegen jeke tulǵalarǵa, sondai-aq ózderiniń jeke shottaryna jalaqyny zańsyz aýdarý arqyly 4,5 mlrd teńgeden astam qarajat bóldi.
Qylmystyq toptyń uiymdastyrýshysy 15jylǵa, onyń qatysýshylary 9 jyldan 13 jylǵa deiin bas bostandyǵynan aiyryldy", -delingen habarlamada.
Sottalǵandar ómir boiy memlekettik qyzmette qyzmet atqarý quqyǵynan aiyrylady.
Úkim zańdy kúshine engen joq.
