Qazaqstandyq Instagram-akkaýnttardyń birinde tótenshe jaǵdai kezinde 42 500 teńge alǵan «jumyssyz» sanatyndaǵy qazaqstandyqtar endi 20 000 teńgeni memleketke qaitarýǵa mindetti ekendigi týraly aqparat talqylanýda, dep habarlaidy "Ult aqparat".
Stopfake.kz saity QR Eńbek jáne halyqty áleýmettik qorǵaý ministrligine silteme jasap habarlaýynsha, bul aqparat – jalǵan.
42 500 teńge mólsherindegi áleýmettik tólem Memlekettik áleýmettik saqtandyrý qorynyń (MÁSQ) qarajaty esebinen tólendi jáne ol karantindik shekteýler men tótenshe jaǵdai rejimine bailanysty jumysynan aiyrylǵan jumys isteitin azamattarǵa berildi.
«Eger azamat jumyssyz bolsa, ol Qazaqstan Respýblikasynyń barlyq aýmaǵynda shekteýlerdiń engizilýine bailanysty tabysynan aiyrylýy múmkin emes edi. Tiisinshe, ol 42 500 teńge almaýǵa tiis jáne ózin-ózi jumyspen qamtýshy retinde tólem alýǵa ótinish bermeýi kerek edi, óitkeni ol bul sanatqa jatpaidy. Degenmen, qazir MÁSQ 42 500 teńge alǵan jumyssyzdardan 20 000 teńge kólemindegi qarajatty qaitarýdy talap etip jatpaǵanyn atap ótkenimiz jón, – dep habarlady QR Eńbek jáne halyqty áleýmettik qorǵaý ministrliginen.
Aita keteiik, 42500 teńge kólemindegi áleýmettik tólemdi qaitarý qajettigi týraly aqparat internette buǵan deiin de taraǵan bolatyn. Eńbek jáne halyqty áleýmettik qorǵaý ministrligi bul aqparattardyń shynaiylyǵyn joqqa shyǵardy.
