Shymkentte adamshoshyrlyq oqiǵa boldy. Madina (esimi ózgertildi) esimdi áiel onyń qyzyn urlap, zorlaǵandar týraly aitty, - dep habarlaidy Massaget.kz portaly "Otyrar" internet basylymyna silteme jasap.
24 jastaǵy qyz keshke úige qaitýy kerek bolǵan. Alaida ol kelmedi. Habarlassa, tutqany kótermegen. Birneshe kúnnen keiin belgisiz bireý habarlasyp, qyz onyń qasynda ekenin, endi ol onyń qalyńdyǵy ekenin aitqan. Estigen dúniege sene almaǵan qyzdyń ata-anasy onyń artynan barǵan. 40 jastaǵy er adam Báidibek bi aýdanyndaǵy aýylǵa aparyp, ash qaldyryp, zorlaǵan bolyp shyqty.
"Ol er adam meniń qyzymdy jáne otbasymyzdy ańdyp júrgen eken. Qyzymdy urlap, aldap kóligine otyrǵyzyp, aýylǵa alyp ketken eken. Qyzym qashyp ketpek bolǵan, biraq qutyla almaǵan. Ony urlaǵan sátte er adammen birge synyptastary otyrǵan. Qyzym beitanys adamdardan kómek suraǵan, alaida eshkim kómektespegen.
Er adam qyzymdy aýylǵa alyp ketkennen keiin eger qashyp ketse jaqyndaryn óltiretinin aityp qorqytyp, telefonyn tartyp alǵan. Bastapqyda er adam qyzyma tiispegen, bir kúnnen keiin moldany shaqyrǵan. Molda olardyń nekesin qiiýdan bas tartqan. Sebebi qyzym jylap otyrǵan. Biraq er adam moldany da májbúrlegen", - deidi qyzdyń anasy.
Neke túni ol qyzdy zorlap, qylǵyndyryp, basyn tamǵa urǵan. Munyń bárinen er adamnyń otbasy habardar bolǵan. Artynsha er adam qyz "taza emes" dep oilap, ony úiine qaitarmaq bolǵan. Osylaisha, qyzdyń ata-anasyn shaqyrǵan.
Er adamnyń jaqyndary 1,5 jarym million teńge qalyń mal alyp kelgen. Neke túni ótkennen keiin "qudalar" aqshany qaitarýdy talap etken. Jábirlenýshi qyzdyń otbasy politsiiaǵa aryzdanǵan, saraptama júrgizilgen. Alaida aiǵaq jetpegendikten is jabylǵan.
"Qalyń malyn birden qaitardyq. Ózderi kelip, sanap alyp ketti. Biz olarǵa er adam túrmede shiritinin aittyq. Biraq ol barlyq dáleli baryn aityp, tynysh otyrýymyzdy surady. Biraq biz birneshe kúnnen keiin saraptama jasattyq. Ol jerdegi áiel qyzymnyń denesin tolyq qaramady. Eshteńe joǵyn aitty. Biraq qyzymnyń denesi kógerip ketken, ony aitýǵa uialyp, saraptamada eshteńe aitpaǵan. Áli kúnge deiin ókinemiz", - deidi qyzdyń anasy.
Quqyq qorǵaýshylar qyzdy alyp qashqan er adamnyń otbasyn da jaýapkershilikke tartýǵa bolatynyn aityp otyr. Advokat Evgenii Iavorskiidiń sózinshe, sot aldynda isti jaýyp tastaǵan tártip saqshylary da jaýap berýi kerek.
Al tártip saqshylarynyń sózinshe, is rasynda aiǵaq joq bolǵandyqtan jabylǵan.
"2 maýsymda Shymkenttiń Ál-Farabi aýdandyq politsiia bólimshesine jergilikti turǵyn qyzyn belgisiz bireý alyp qashqanyn aityp aryzdandy. Bul derek tirkeldi. Jábirlenýshiniń ózi jáne qylmystyq protsestiń basqa da qatysýshylarynyń aiǵaqtaryna sáikes adamdy zańsyz bas bostandyǵynan aiyrý týraly dálelder rastalmady. Osyǵan bailanysty qylmystyq isti toqtatý týraly qaýly shyǵaryldy. Aýdandyq prokýratýra qabyldanǵan sheshimmen kelisti", - dedi Shymkenttiń PD baspasóz qyzmeti ókilderi.
