Shekarashylar 40 tonna iri qara mal terisin, 60 kg elik etin jáne 40-tan astam oq-dárini shekara asyrmaq bolǵandardy quryqtady, dep habarlaidy "Ult aqparat" Ulttyq qaýipsizdik komitetiniń shekara qyzmetine silteme jasap
Shekarashylar ótken táýlikte Qazaqstan-Resei shekarasynda birqatar zańbuzýshylyqtardy anyqtady. Atap aitqanda A qtóbe shekara jasaǵynyń «Jaisan» ótkizý pýnktinde jalpy salmaǵy 39,5 tonna iri qara mal terisin (quny 3 mln teńge shamasynda) zańsyz ótkizbek bolǵan eki oqiǵanyń joly kesildi. Ustalǵandar - 1990 jáne 1971 jyly týǵan Qazaqstan azamattary. Bul ispen Aqtóbe oblystyq memlekettik kirister departamenti ainalysyp jatyr.
«Sondai-aq, Aqtóbe shekara jasaǵynyń «Álimbet» jáne Pavlodar shekara jasaǵynyń «Qosaq» pýnktilerindegi tekserý barysynda ań aýlaýǵa arnalǵan 12 kalibrdiń jalpy sany 41 oq-dárisin alyp ótpek bolǵandar ustaldy. Ustalǵandar aýdandyq politsiia bólimine tapsyryldy» delingen habarlamada.
Osy kúni Petropavl shekara jasaǵynyń «Qaraqoǵa» ótkizý pýnktinde Qazaqstannan Reseige «ÝAZ» avtomashinasymen ketip bara jatqan 1969 jyly týǵan RF azamaty ustaldy. Avtokóligin tekserý kezinde júksalǵyshtan 60 kg jýyq eliktiń eti tabyldy. Akti jasalyp, aýdandyq politsiia bólimine tapsyryldy.
