Koronavirýsty 40-tan 65 jasqa deiingi juqtyrǵan adamdar sanynyń ósýi baiqalady. Bul týraly Nur-Sultan qalasynyń bas sanitarlyq dárigeri Janna Pralieva málim etti, dep habarlaidy "Ult aqparat".
«Ótken jyldyń uqsas kezeńiniń deńgeiinde jiti virýstyq gepatittermen syrqattanýshylyq tirkelgen. Jiti ishek infektsiialary tobymen syrqattanýshylyq 30,4 paiyzǵa, salmonellezben syrqattanýshylyq 20,65 paiyzǵa, týberkýlezben syrqattanýshylyq 35,61 paiyzǵa, pedikýlezben jáne enterobiozben syrqattanýshylyq 13,01 paiyzǵa tómendegeni baiqalady», - dedi Pralieva onlain rejimde ótken baspasóz máslihatynda.
Sonymen qatar, ol Covid-19 boiynsha epidemiologiialyq jaǵdaiǵa toqtaldy. Nur-Sultan qalasynda (13.03) indet bastalǵan sátten bastap jáne qazirgi (29.09) ýaqytqa deiin 14084 zerthanalyq rastalǵan KVI (onyń ishinde 8645 simptomdarmen jáne 5439 asimptomatikalyq) jáne 540 KVI (virýs sáikestendirilmegen) tirkelgen.
«Jas qurylymy boiynsha 40-tan 65 jasqa deiingi juqtyrǵan adamdar sanynyń ósýi baiqalady. Qazirgi ýaqytta KVI aýrýynyń jaǵdailaryn tirkeý jalǵasýda, táýligine simptomdary bar aýrýdyń basymdyǵymen 3-ten 20-ǵa deiin jaǵdai tirkeledi. Eresekter arasynda da, mektep jasyndaǵy balalar arasynda da tirkelýde», - dedi Janna Pralieva.
