Sýretti oblystyq kópbeiindi balalar aýrýhanasynyń dárigerleri usynǵan
Qyzylorda oblystyq kópsalaly balalar aýrýhanasynyń hirýrgteri "asqazan trihobezoary" diagnozymen 4 jasar balaǵa ota jasady, - dep habarlaidy Tengrinews.kz.
Olar balanyń asqazanynan salmaǵy bir jarym keli, uzyndyǵy 40 santimetr shashty alyp tastady.
Oblystyq kópbeiindi balalar aýrýhanasynyń jansaqtaý bóliminiń meńgerýshisi Aigúl Aǵymbaevanyń aitýynsha, bala tábeti bolmaý, ishi aýrýy, qusý sekildi shaǵymdarymen túsken.
"Tekserý jáne diagnoz qoiý kezinde isik tárizdi túzilim anyqtaldy. Balanyń jaǵdaiy aýyr dep tanyldy. "Asqazannyń trihobezoary" diagnozy qoiyldy. Balaǵa shuǵyl túrde ota jasaldy", - dedi Aigúl Arǵymbaeva.
Otany hirýrg Álimjan Tólegenov, anesteziolog Igor Samsonov júrgizgen. Ota sátti ótken.
"Otadan keiingi balanyń jaǵdaiy qalypty. Ol hirýrgiia bólimine aýystyryldy", - dep tolyqtyrdy bólim meńgerýshisi.
Trihobezoar - asqazandaǵy bógde zat, ol tyǵyz tasqa jabysqan shashtardan turady. Kóbinese ol psihologiialyq aqaýlarǵa bailanysty balalar shashtaryn shainap, jutyp qoiýynan bolady. Jyldar boiy bári jinalyp, asqazandy toltyrady. Keiin adam ishkenin qoryta almaidy. Sondyqtan tábeti tartpai, qusady.
