Prezident Qasym-Jomart Toqaev Almaty oblysynda 4 oqýshy qyzdy qaqqan mas júrgizýshige qatysty tergeýdi óz baqylaýyna aldy, dep habarlaidy "Ult aqparat".
Bul jaiynda Prezidenttiń baspasóz hatshysy Berik Ýáli Facebook paraqshasynda málim etti.
«Prezident Almaty oblysynda mas júrgizýshiniń tórt oqýshy qyzdy qaǵyp ketken jol-kólik oqiǵasyna qatysty tergeý jumystaryn óz baqylaýyna aldy. Eki qyz aýyr halde aýrýhanada jatyr. Memleket basshysy kólik júrgizýshisin zańǵa sáikes jaýapqa tartý úshin atalǵan oqiǵany jan-jaqty tekserý jóninde tapsyrma berdi. Zardap shekken qyzdar men olardyń ata-analaryna tiisti kómek kórsetiledi» dep jazdy Berik Ýáli.
Eske sala keteiik, búgin Almaty oblysynda mas júrgizýshi 4 oqýshyny qaǵyp ketti. Ártúrli dene jaraqatyn alǵan úsh bala aýrýhanaǵa jatqyzyldy.
Kólik qaqqan eki oqýshynyń jaǵdaiy óte aýyr.
