Foto: ashyq derekkózden
Aǵymdaǵy jyldyń 1 shildedegi jaǵdai boiynsha 253 myń qaskói ata-ananyń 367 myń bala aldyndaǵy boryshy 19 mlrd teńgege jetken, -dep habarlaidy "Ult Aqparat" QR Bas prokýratýranyń baspasóz qyzmetine silteme jasap.
Boryshkerler bereshekti tólemeýdi jumystyń joqtyǵymen aqtaidy. Shynynda da, olardyń kópshiligi resmi túrde jumyssyz jáne jumysqa ornalasý úshin shara qoldanbaidy.
Is júzinde, qazirgi zamanǵy tabys kózderi, taksi jáne jetkizý qyzmetteri (Iandeks, Wolt, Glovo, Indriver) boryshkerlerge eńbek sharttaryn jasamastan kiris alýǵa múmkindik beredi.
Áleýmettik jeliler de (Facebook, Instagram, Twitter, TikTok jáne YouTube) jaqsy tabys ákelýi múmkin. Mysaly, oqyrmandary kóp akkaýnt ieleri jarnamadan aqsha tabady.
Qaskói boryshkerler balalardy kútip-baǵý jónindegi mindettemelerdi oryndaýdan jaltarý maqsatynda osyndai tabystaryn jasyryp, aqshany elektrondyq ámiiandarda saqtaidy.
Qazir qyzmetterdiń barlyq salalary elektrondy tólem ádisterine kóshti. 2023 jyly Qazaqstandaǵy qolma-qol aqshasyz operatsiialardyń úlesi 86,2%, tranzaqtsiia kólemi 142,6 trln teńgeni quraǵan. Kirister (resmi jáne resmi emes) kart-shottarǵa túsedi.
Balalardyń múddelerin qorǵaý maqsatynda prokýratýra organdary óz ókilettikteri sheginde osyndai jasyryn tabystardy anyqtaý jáne boryshkerlerdi zańda belgilengen jaýapkershilikke tartý jóninde sharalar qabyldaýda.
Astana prokýratýrasy elektrondyq ámiiandarda 350 mln teńgeden astam somaǵa óz aqshalaryn jasyrǵan 170 qaskói boryshkerdi anyqtady.
Aliment tóleýden jaltarý faktileri boiynsha (QQ-niń 139-baby boiynsha) 30 sotqa deiingi tergep-tekserý bastalyp, osydan keiin 45 mln teńgege bereshek óteldi.
Qylmystyq isterdiń nátijelerimen 7 boryshkerge bas bostandyǵyn shekteý jáne qoǵamdyq jumystarǵa tartý jazalary taǵaiyndaldy. 2 is tatýlasýyna bailanysty toqtatyldy, taǵy 20 isti politsiia tergep jatyr, 1 is sottyń qaraýynda.
Jalpy, jyl basynan beri prokýrorlyq qadaǵalaý sharalarymen 15,5 myń balanyń quqyqtary qorǵaldy, sot oryndaýshylary olardyń paidasyna aliment boiynsha 2,3 mlrd teńgeden astam qaryzdy óndirdi.
Aliment tóleýden jaltarǵan 1,7 myń boryshker qylmystyq jáne ákimshilik jaýaptylyqqa tartyldy.
