Qazgidromet 9-11 jeltoqsanda aýa raiy qandai bolatynyn boljady.
Sinoptikterdiń málimetinshe 9 jeltoqsanda el aýmaǵynyń basym bóligi antitsiklonnyń yqpalynda qalyp, aýa raiy jaýyn-shashynsyz bolady.
Osylaisha túnde Qazaqstannyń soltústiginde, shyǵysynda jáne ortalyǵynda aýa temperatýrasy 20-25, kei jerlerde 30 gradýsqa deiin, 10 jeltoqsanda Shyǵys Qazaqstan oblysynyń soltústik-shyǵysynda 35 gradýsqa deiin tómendeidi dep boljanyp otyr.
Eldiń batys óńirlerine Qara teńiz aimaǵynan yǵysatyn tsiklon áser ete bastaidy. Ol keiingi eki táýlikte respýblikanyń qalǵan aýmaqtaryna — shyǵysqa qarai aýysady, jańbyr, qar jaýyp, kóktaiǵaq bolady, jel 15-25 m/s kúsheiedi.
11 jeltoqsannyń túninde respýblikanyń soltústik jartysynda aýa temperatýrasy 5-10, kei jerlerde 15-20 gradýsqa deiin tómendeidi, Shyǵys Qazaqstan oblysynyń soltústik-shyǵysynda 25 gradýsqa deiin aiaz bolady dep boljanyp otyr.
