Áleýmettik jelilerde er adamnyń lift kabinasynda ornatylǵan monitordy ádeii syndyryp jatqan videosy taraǵan bolatyn. Nur-Sultan qalasy PD «Almaty» aýdandyq politsiia basqarmasynyń qyzmetkerleri jedel-izdestirý sharalary barysynda 32 jastaǵy qala turǵynyn ustady, dep habarlaidy Nur-Sultan qalasy politsiia departamentiniń baspsóz qyzmeti.
«Er adamnyń buzaqylyq áreketi liftide ornatylǵan kameraǵa túsip qalǵan. Atalǵan fakti boiynsha QR Ákimshilik kodeksiniń 434-baby boiynsha ákimshilik is qozǵaldy. Sottyń sheshimimen ol 10 táýlikke qamaýǵa alyndy», - delingen habarlamada.
Nur-Sultan qalalyq politsiia departamenti azamattardy turǵyndarǵa ortaq múlikke uqypty qaraýǵa shaqyrady jáne qoǵamdyq tártipti buzǵany úshin jaýapkershilikke tartylatynyn eskertedi.
