1 sáýirde Shymkent "sary aimaqqa" kirgen kúni qalalyq ishki saiasat jáne din isteri basqarmasy "Jaidarman" kóńildi tapqyrlar saiysyna uiymdastyrdy, dep habarlaidy Azattyq.
Shymkent qalasy jastar resýrstyq ortalyǵy uiymdastyrǵan sharaǵa 30-dan asa komanda qatysyp, júzge jýyq kórermen zaldan tamashalaǵan.
Uiymdastyrýshylar shara barlyq sanitarlyq talapty saqtap ótti deidi. Biraq Shymkent qalasy bas sanitarlyq dárigeri Ábdimanap Tólebaev 26 naýryz kúni qalada karantindi 12 sáýirge deiin uzartý jóninde qaýly shyǵarǵan. Qaýlyda kez kelgen is-shara ótetin zaldy 30 paiyz ǵana toltyrýǵa, biraq 50 adamnan artyq jinaýǵa tyiym salynǵan.
Memlekettik satyp alý saityndaǵy málimetke sai, ákimdik bul saiysqa 6 mln 642 myń teńge bólgen.
31 naýryz Shymkentte 51 adamnan koronavirýs anyqtaldy. 1 sáýirde qala virýstyń juǵý qarqyny boiynsh "sary aimaqqa" kirgeni habarlandy. Qalada onnan asa mektep onlain oqýǵa kóshti. Byltyrǵy naýryzdan beri Shymkentte 6856 adamǵa koronavirýs juqqan.
Naýryzdyń ortasynan bastap Qazaqstanda koronavirýs juqtyrǵandar kúrt ósip, kúnine 1500-1800 adamnan virýs tabylyp jatyr. Eldiń iri qalalarynda karantin sharalary qatańdatylyp, adam kóp jinalatyn sharalarǵa tyiym salyndy. Qazaqstan densaýlyq saqtaý ministri Aleksei Tsoi "realistik stsenarii" boiynsha elde sáýir-maýsymda 250 myń adamǵa virýs juǵyp, 127 myń adam aýrýhanaǵa túsedi dep boljaidy.
