Foto: gov.kz
Elimizdiń joǵary oqý oryndarynda pedagog mamandardy daiarlaýdyń 30 innovatsiialyq bilim berý baǵdarlamasy ázirlendi, dep habarlaidy Kazinform.
«Dúniejúzilik bank jobasy aiasynda pedagogikalyq bilim berý áleýeti kúsheitilip jatyr. Onyń ishinde, pedagogikalyq bilim berý modeli ázirlenip, joǵary oqý oryndarynyń professorlyq-oqytýshylary biliktilikti arttyrý kýrstarynan ótti. Osyǵan deiin 30 innovatsiialyq bilim berý baǵdarlamasy ázirlendi», — dedi Ǵylym jáne joǵary bilim ministri Saiasat Nurbek Úkimet úiinde ótken baspasóz máslihatynda.
Vedomstvo basshysynyń aitýynsha, innovatsiialyq bilim berý baǵdarlamalarynyń ereksheligi zertteý daǵdylaryn damytý, bilim berý júiesin tsifrlandyrý jáne muǵalimderdiń tsifrlyq quzyrettiligin damytý. Sondai-aq ómir boiy oqytý ádisterin qamtityn inkliýzivti pedagogikany jańartýǵa basa nazar aýdarylyp jatyr.
«Arnaiy pedagogika» baǵdarlamasy 13 oqý ornyn ereksheligi bar balalarmen jumys isteýge arnalǵan. Ol arnaiy jabdyqtarmen jáne 25 joǵary oqý orny pándik kabinettermen jaraqtandyrylady», — deidi ministr.
