«Qoǵamdyq mańyzy bar bastamalardy damytý qory» demeýshilerdiń qoldaýymen eldegi 30 aýyl mektebine áleýmettik grant bermekshi, dep habarlaidy QazAqparat.
«Qoǵamdyq mańyzy bar bastamalardy damytý qory» jeke qorynyń tóraǵasy Ermek Májitov ortalyq kommýnikatsiialar qyzmetinde osyndai aqparat berdi.
«Biyl biz «Qazaqstan muǵalimi» jobasy men «Bolashaq muǵalimi» jobasyn biriktirdik. Osylaisha eldegi 10 joǵary oqý ornymen jumys istei otyryp, keler jyly diplom alyp, muǵalimdik kásibin bastaityn 100 úzdik túlekti anyqtadyq. Jobaǵa «Bolashaq muǵalimi» degen ataý berip otyrmyz. Osylaisha pedagog mamandardy daiyndaityn 10 joǵary oqý ornynan 10 úzdik stýdentti da syilyqtyń marapattaý sharasyna shaqyrylady», - dedi qordyń direktory.
Sondai-aq, ol biyldan bastap «Samruk-Kazyna Trust» kompaniiasy «Qoǵamdyq mańyzy bar bastamalardy damytý qory» bas seriktesi bolyp bekitilgenin eske saldy.
«Azamattardyń qoldaý ortalyǵynyń» qoldaýymen biyl konýkýrsqa qatysýshylar arasynda 30 aýyl mektebi 1 mln teńge kólemindegi shaǵyn grant alady. Ásirese áleýmettik jobalardy iske asyratyn aýyl mektepterine basymdyq beriledi. Mysaly, mektep kitaphana qoryn jańartqysy kelse nemese aýmaǵyn abattandyrǵysy kelse, synypty jańa qondyrǵymen jabdyqtaǵysy kelse, grant konkýrsyna qatysa alady.
Muǵalimderdi osy jobaǵa barynsha belsendi qatysýǵa shaqyramyz. Biz osy qoldaýdyń nátijesinde bizdiń ustazdar álemniń úzdik 50 muǵaliminiń qataryna kirse dep maqsat qoiyp otyrmyz. Odan da sátti bolyp jatsa, alǵashqy ondyqtan kórinip, tipti «Álemniń úzdik muǵalimi» atanǵanyn kórgimiz keledi», - degen Ermek Májitov kúnderdiń kúnin «Álem muǵalimi» halyqaralyq konkýrsyn Qazaqstanda ótkizý josparda bar ekenin aityp qaldy.
«Bul syilyqtyń marapattaý sharasyna metsenattar men filantroptar qatysyp, bilim berý forýmy ótedi. Konkýrs alańy mamandar pikir almasatyn ǵalamdyq aýqymdaǵy úlken alańǵa ainalady», - dedi ol sóz sońynda.
