Erteń Almatyda túski saǵat 12:55 kezinde dabyl belgisi iske qosylady, - dep habarlaidy "Ult aqparat" tótenshe jaǵdailar departamentine silteme jasap.
"29 qyrkúiek saǵat 12.55-te Almaty qalasy Tótenshe jaǵdailar departamenti qoǵamdyq eskertý júiesiniń daiyndyǵyn josparly tehnikalyq tekserýden ótkizedi. Jattyǵý kezinde "Nazar aýdaryńyzdar!" habarlamasymen birge elektrondy dabyl iske qosylady. Oǵan qosa, teleradioarna jumysy avtomatty túrde toqtatylyp, dabyl habarlamasy taratylady", - delingen habarlamada.
Vedomstvo Almaty qalasynyń turǵyndary men qonaqtarynan sabyr saqtaýdy suraidy.
"Búkil eresek adamdar ózderi úreige berilmei, balalarǵa sirenanyń dybysy - "Barshanyń nazaryna!" dabyly ekendigin túsindirý qajet. Podezd jáne turǵylyqty jeri boiynsha kórshilerge habarlańyz, olar berilgen aqparatty estimegen bolýy múmkin. Kez kelgen dúrbeleń men qaýesetti dereý toqtatyńyz", - delingen habarlamada.
Eger dabyl kezinde úide bolsańyz, onda:
- radioqabyldaǵyshty nemese teledidardy qosyńyz;
- tótenshe jaǵdai týraly habarlamany tyńdańyz;
- berilgen habarlamaǵa sáikes áreket etińiz.
- Eger dabyl kezinde kóshede bolsańyz, onda:
- kóshedegi daýys zoraitqyshtarmen jáne mobildi eskertý qurylǵylarymen jiberilgen tótenshe jaǵdai týraly habarlamaǵa qulaq asyńyz;
- berilgen habarlamaǵa sáikes áreket etińiz.
