28 tamyzda Qazaqstannyń basym bóliginde jaýyn-shashynsyz aýa raiy saqtalady, dep habarlaidy ult.kz.
Alaida elimizdiń soltústik-batysy, soltústigi men soltústik-shyǵysynda jańbyr jaýyp, naizaǵai oinaýy múmkin. Soltústikte túngi ýaqytta nóser jańbyr jaýyp, kei jerlerde burshaq túsýi yqtimal.
Sinoptikterdiń málimetinshe, respýblika boiynsha jel kúsheiedi. Ońtústik óńirlerde shańdy daýyl soǵýy múmkin. Soltústik, shyǵys jáne ortalyq oblystarda túnde jáne tańerteń tuman kútiledi.
Almatyda 28 tamyzda jaýyn-shashynsyz, kóshpeli bultty aýa raiy boljanady. Túnde aýa temperatýrasy +16…+18°C, kúndiz +31…+33°C bolady. Jel shyǵystan soǵyp, jyldamdyǵy sekýndyna 3-8 metrge jetedi.
Astanada kún bultty bolyp, kei ýaqytta jańbyr jaýady. Naizaǵai oinap, kúndiz burshaq túsýi múmkin. Túnde +12…+14°C, kúndiz +24…+26°C bolady. Soltústik-batystan jáne soltústikten soǵatyn jeldiń ekpini sekýndyna 15-20 metrge deiin kúsheiedi.
Sinoptikter sondai-aq birqatar óńirde órt qaýpi joǵary bolatynyn eskertti. Qyzylorda, Túrkistan, Jambyl, Atyraý, Batys Qazaqstan, Aqtóbe oblystary jáne birqatar basqa óńirde tótenshe órt qaýpi saqtalady.
