Foto: QR Qorǵanys ministrligi
28 tamyzda Qazaqstanda Qarýly Kúshterinde Tyl mamandary kásibi merekesin atap ótýde. Bul – áskerdi jan-jaqty qamtamasyz etý qyzmetinde turǵan jandardyń kúni, dep habarlaidy Ult.kz.
Dál osy kúni, 1992 jyly, áskerdi basqarýdyń ortalyqtandyrylǵan organy qurylyp, sol ýaqyttan ol áskerdi qarý-jaraqpen, janar-jaǵarmai materialdarymen jabdyqtaýǵa, tehnikany qalpyna keltirýge, nysandar salýǵa jáne infraqurylymdy qyzmet kórsetýge qyzmet etip keledi.
Búginde QR Qarýly Kúshteriniń Tyly zamanaýi ári joǵary tehnologiialy tetik quraly bolyp tabylady. Sońǵy jyldary tyl qyzmeti tsifrlyq serpilis jasap, armiiany qamtamasyz etý tásilin túbegeili ózgertti.
Foto: QR Qorǵanys ministrligi
Elektrondyq qujat ainalymy qaǵaz qujattardan aryltyp, áskerlerdiń qajettilikterin jedel jabýǵa múmkindik bergen qorlardy tsifrlyq esepke alýǵa kóshý júzege asyryldy. Sonymen qatar, ár taýardyń qoimadan sarbazǵa deiingi jolyn qadaǵalaýǵa múmkindik beretin taýarlardy tsifrlyq tańbalaý engiziledi dep kútilýde. Áskeri múliktiń árbirin orynsyz paidalanýdy boldyrmaityn jáne sapaly baqylaýǵa kepildik beretin biregei tsifrlyq kod bolady.
Barlyq tasymal túrlerin biriktiretin áskeri logistika júiesi damyp keledi. «Qazaqstan temir joly» UK» AQ-pen aqparattyq júielerdi integratsiialaý máselesi qarastyrylýda, bul tasymaldaý qujattaryn resimdeýdi jedeldetip, shyǵyndardy azaitady.
Tyl mamandary ózderiniń joǵary kásibi deńgeiin jattyǵýlarda únemi dáleldep keledi. 2024 jyly olar Belarýstegi «Brest» poligonynda ótken «Eshelon-2024» halyqaralyq oqý-jattyǵýlaryna qatysyp, áskerdi janar-jaǵarmaimen, azyq-túlikpen, zattai múlikpen jáne tehnikamen qamtamasyz etý jumystaryn oryndady.
Foto: QR Qorǵanys ministrligi
2025 jyldyń kókteminde tyl mamandary Uly Jeńistiń 80 jyldyǵyna arnalǵan áskeri paradty qamtamasyz etý boiynsha mindetterdi sátti atqardy.
Búginde Qazaqstan Qarýly Kúshteri tyl bastyǵynyń basqarmasy – armiianyń senimdi tiregi, zamanaýi ári tiimdi jumys isteitin tetik, áskerdiń jaýyngerlik qabileti men daiyndyq deńgeiin qamtamasyz etetin júie.
