28 qyrkúiekte respýblikanyń basym bóliginde qubylmaly aýa raiy saqtalady. Eldiń soltústiginde, soltústik-batysynda, ortalyǵynda jańbyr men qar túrinde qatty jaýyn-shashyn kútiledi. Barlyq aimaqta jel kúsheiip, ońtústikte, ońtústik-shyǵysta shańdy daýyl turady, ońtústik-batysta, soltústik-batysta tuman, soltústik-batysta, ońtústikte naizaǵai boljanady, dep habarlaidy «Qazgidromet» RMK.
Soltústik Qazaqstan oblysynda jeldiń kúshi 23-28 m/s kúsheietini kútiledi.
Qostanai oblysynda jel 15-23 m/s artyp, oblystyń ońtústiginde naizaǵai, túnde jáne tańerteń oblystyń soltústiginde tuman, kóktaiǵaq boljanady.
Aqmola oblysynyń soltústik-shyǵysynda jeldiń kúshi 15-23 m/s jetedi. Kúndiz Túrkistan oblysynyń batysynda jáne soltústiginde jel 15-20 m/s kúsheiip, shańdy daýyl turady.
Túnde jáne tańerteń Qyzylorda oblysynyń soltústik-batysynda naizaǵai oinap, oblystyń ortalyǵynda jeldiń kúshi 15-20 m/s artady. shańdy daýyl turady.
Qaraǵandy oblysynyń batysynda, shyǵysy men ortalyǵynda jeldiń jyldamdyǵy 15-20 m/s kúsheiedi.
Kúndiz Batys Qazaqstan oblysynda jeldiń ekpini 15-20 m/s jetedi. Túnde jáne tańerteń Aqtóbe oblysynyń batysynda jáne soltústiginde tuman kútiledi.
Túnde Atyraý oblysynyń ońtústiginde jel 15-20 m/s kúsheiedi.
Jambyl oblysynyń ońtústik-batysynda jáne taýly aýdandarynda jel 15-20 m/s kúsheiip, oblystyń ońtústik-batysynda jel shańdy daýylmen bolady.
Almaty oblysynyń soltústiginde jel 15-20 m/s artyp, shańdy daýyl turady.
Shyǵys Qazaqstan oblysynyń batysynda, soltústiginde, soltústik-shyǵysynda jeldiń jyldamdyǵy 15-20 m/s jetedi.
Kúndiz Pavlodar oblysynyń batysynda, soltústiginde jeldiń ekpini 15-20 m/s artady.
Mańǵystaý oblysynyń soltústiginde jel 15-20 m/s jyldamdyqta soǵady, túnde jáne tańerteń oblystyń batysynda jáne ońtústik-shyǵysynda tuman kútiledi.
