Shyǵys Qazaqstan oblysynyń Altai aýdanynda 27 mln teńge jymqyrǵan memlekettik bóbekjai-baqshanyń meńgerýshisi men býhgalterine sot úkimi shyqty, dep habarlaidy QazAqparat.
«2020 jyldyń 21 qyrkúieginde olarǵa Altai aýdanynyń №2 soty úkimi shyqty. Atap aitqanda Altai aýdany ákimdiginiń «Jasmin» bóbekjai-baqshasy» MKQK meńgerýshisi O.N. Tselovalnikova 7 jyl 6 aiǵa bas bostandyǵynan, al atalǵan mekemeniń býhgalteri E.V. Poterina 7 jylǵa bas bostandyǵynan aiyryldy», - dedi Sybailas jemqorlyqqa qarsy is-qimyl agenttiginiń 1-shi departamentiniń asa mańyzdy ister jónindegi tergeýshisi Daniiar Bekaidarov onlain brifing barysynda.
Agenttik ókiliniń aitýynsha olar buǵan deiin ózderiniń banktegi karta shottaryna negizsiz aýdarý jáne jeke kásipker arqyly aqshany qolma-qol aqshaǵa ainaldyrý jolymen mekekemeniń 27 699 779 teńge qarajatyn jymqyrdy dep kúdiktelgen.
