Atyraý oblysynda turǵynnan 2,5 mln teńge bopsalady degen kúdikpen 35 jastaǵy er adam ustaldy. Bul týraly Ishki ister ministrligi habarlady, dep habarlaidy ult.kz.
Vedomstvonyń málimetinshe, Atyraý oblysy politsiia departamentiniń ekstremizmge qarsy is-qimyl basqarmasynyń qyzmetkerleri jedel-izdestirý sharalary barysynda Inder aýdanynyń 35 jastaǵy turǵynyn qolǵa túsirgen.
Tergeý nusqasyna sáikes, kúdikti jábirlenýshiden 2,5 mln teńge kóleminde aqsha bopsalaǵan. Tintý kezinde odan bopsalaý jolymen alynǵan 2,2 mln teńge tárkilendi.
Qazirgi ýaqytta atalǵan derek boiynsha sotqa deiingi tergep-tekserý júrgizilip jatyr.
«Ózge aqparat Qazaqstan Respýblikasy Qylmystyq-protsestik kodeksiniń 201-babyna sáikes jariia etýge jatpaidy», – dep habarlady IIM.
Politsiia azamattardy qorqytyp aqsha talap etken jaǵdailarda zańsyz talaptarǵa kónbeýge jáne mundai derekter týraly dereý quqyq qorǵaý organdaryna habarlaýǵa shaqyrdy.
Eske salaiyq, buǵan deiin Aqtóbede bopsalaý jáne tonaýmen ainalysty degen kúdikpen jeti adamnyń ustalǵany habarlanǵan bolatyn.
