Almatyda asqan aiýandyqpen óltirilgen Aiajan Edilovanyń isine qatysty tergeý jumystary qalai ótip jatqany belgili boldy. Bul jóninde jábirlenýshi taraptyń advokaty Qadyrjan Ǵalymjanuly pikir bildirdi.
Zańger "Informbiýro 31" telearnasyna ekskliýzivti suhbat berip, kúlli Qazaqstandyq dúrsilkindirgen istiń mán-jaiyn aitty, dep jazady NUR.KZ portaly.
"Qazirgi tańda tórt aiǵa jýyq ýaqyt ótti. Orta eseppen 25-30 saraptama taǵaiyndaldy. Olardyń jartysyna jaýap kelse, jartysyna jaýap kelgen joq. Sebebi, sarapshylarǵa qoiylǵan suraqtar óte kúrdeli. Ol suraqqa jaýap berý úshin sarapshylardyń ózderi mundai ispen ainalyspaǵan bolý kerek. Jaýap berý qiynǵa soǵyp jatyr. Sol sebepti olardyń qorytyndylary uzaqqa sozylyp jatqan jaiy bar", - dedi qorǵaýshy.
Sonymen qatar, Qadyrjan Ǵalymjanuly Aiajan Edilovanyń DNQ saraptamasyna qatysty jaýap berdi.
"Bul saraptamany birden shyqty deý óte qiyn. Sebebi, DNQ-nyń óziniń tártipteri bar. Biraq, ýaqytyna sai jaýaptary shyqqan. Tergeý qupiiasy degen nárse bar. Sol sebepti, naqty qai saraptama shyqqanyn nemese shyqpaǵanyn aita almaimyn. Biraq, fonoskapiia boiynsha saraptama taǵaiyndalýdyń eki jaiy bar. Óitkeni, nusqa alatyn adam joq. Ol úshin óziniń daýsyn saraptamaǵa beretin tulǵa bolý kerek. Al WhatsApp jelisindegi sońǵy aýdiojazbasyn aitatyn bolsaq, ol sarapshylarǵa eki túrli suraq bolady. Óitkeni, olar túpnusqany almaǵannan keiin, túpnusqa retinde jaýapty da bere almaidy", - dep málimdedi advokat.
