الماتىدا اسقان ايۋاندىقپەن ٶلتٸرٸلگەن اياجان ەدٸلوۆانىڭ ٸسٸنە قاتىستى تەرگەۋ جۇمىستارى قالاي ٶتٸپ جاتقانى بەلگٸلٸ بولدى. بۇل جٶنٸندە جەبٸرلەنۋشٸ تاراپتىڭ ادۆوكاتى قادىرجان عالىمجانۇلى پٸكٸر بٸلدٸردٸ.
زاڭگەر "ينفورمبيۋرو 31" تەلەارناسىنا ەكسكليۋزيۆتٸ سۇحبات بەرٸپ, كٷللٸ قازاقستاندىق دٷرسٸلكٸندٸرگەن ٸستٸڭ مەن-جايىن ايتتى, دەپ جازادى NUR.KZ پورتالى.
"قازٸرگٸ تاڭدا تٶرت ايعا جۋىق ۋاقىت ٶتتٸ. ورتا ەسەپپەن 25-30 ساراپتاما تاعايىندالدى. ولاردىڭ جارتىسىنا جاۋاپ كەلسە, جارتىسىنا جاۋاپ كەلگەن جوق. سەبەبٸ, ساراپشىلارعا قويىلعان سۇراقتار ٶتە كٷردەلٸ. ول سۇراققا جاۋاپ بەرۋ ٷشٸن ساراپشىلاردىڭ ٶزدەرٸ مۇنداي ٸسپەن اينالىسپاعان بولۋ كەرەك. جاۋاپ بەرۋ قيىنعا سوعىپ جاتىر. سول سەبەپتٸ ولاردىڭ قورىتىندىلارى ۇزاققا سوزىلىپ جاتقان جايى بار", - دەدٸ قورعاۋشى.
سونىمەن قاتار, قادىرجان عالىمجانۇلى اياجان ەدٸلوۆانىڭ دنق ساراپتاماسىنا قاتىستى جاۋاپ بەردٸ.
"بۇل ساراپتامانى بٸردەن شىقتى دەۋ ٶتە قيىن. سەبەبٸ, دنق-نىڭ ٶزٸنٸڭ تەرتٸپتەرٸ بار. بٸراق, ۋاقىتىنا ساي جاۋاپتارى شىققان. تەرگەۋ قۇپيياسى دەگەن نەرسە بار. سول سەبەپتٸ, ناقتى قاي ساراپتاما شىققانىن نەمەسە شىقپاعانىن ايتا المايمىن. بٸراق, فونوسكاپييا بويىنشا ساراپتاما تاعايىندالۋدىڭ ەكٸ جايى بار. ٶيتكەنٸ, نۇسقا الاتىن ادام جوق. ول ٷشٸن ٶزٸنٸڭ داۋسىن ساراپتاماعا بەرەتٸن تۇلعا بولۋ كەرەك. ال WhatsApp جەلٸسٸندەگٸ سوڭعى اۋديوجازباسىن ايتاتىن بولساق, ول ساراپشىلارعا ەكٸ تٷرلٸ سۇراق بولادى. ٶيتكەنٸ, ولار تٷپنۇسقانى الماعاننان كەيٸن, تٷپنۇسقا رەتٸندە جاۋاپتى دا بەرە المايدى", - دەپ مەلٸمدەدٸ ادۆوكات.
