19 maýsym kúni elordada 24 elden sportshylar qatysatyn NurSultan Half Marathon-2022 ótedi. Jartylai marafon kezinde qalada joldardyń bir bóligi jabylady, dep habarlaidy QazAqparat.
Astana ákimdiginiń resmi saitynda málim etilgendei, jartylai marafon «EXPO» halyqaralyq kórme ortalyǵynyń aýmaǵynan bastalady.
Jarys qashyqtyqtary: 21,1 km jáne 10 km, sondai-aq 10 km skandinaviialyq júris.
Básekege Nur-Sultan, Almaty, Qaraǵandy, Pavlodar, Shymkent qalalarynan 4 myńnan astam áýesqoi sportshy, sondai-aq álemniń 24 elinen, onyń ishinde Resei, Ýkraina, Qyrǵyzstan, Ózbekstan, Belarýs, AQSh, Ońtústik Koreia, Ulybritaniia, Germaniia, OAR, Efiopiia, Jańa Zelandiia elderinen sportshylar qatysatyny kútilip otyr.
Nómirlerdi berý «EHRO» ortalyǵynda 17 jáne 18 maýsym kúnderi saǵat 10:00-den 20:00-ge deiin «QazaqstanLiveFest» kórmesiniń aýmaǵynda ótedi.
Bastalatyn ýaqyty: 19 maýsym tańǵy 07:40-ta – 10 km jáne 10 km skandinaviialyq júris, 8:00-de – 21,1 km qashyqtyq.
21,1 km qashyqtyqta absoliýtti jas sanatynda jeńimpazdardy aqshalai júlde, medaldar, gramotalar jáne baǵaly syilyqtar kútedi. 1-oryn – 450 000 teńge, 2-oryn – 400 000 teńge, 3-oryn – 350 000 teńge.
Júgirý kezinde qalada joldar jabylady. Atap aitqanda, Túrkistan kóshesindegi EXPO ǵimaratynan Syǵanaq kóshesine deiingi qozǵalys 19 maýsym kúni saǵat 7:00-den 8:50-ge deiin, Syǵanaq kóshesinen Báiterek monýmentine deiin saǵat 7:40-tan 8:20-ǵa deiin jabylady.
Syǵanaq kóshesi boiyn jaǵalai otyryp, Túrkistan kóshesinen Táýelsizdik dańǵylyna deiin qozǵalys 7:40-tan 9:40-qa deiin toqtatylady.
Táýelsizdik dańǵyly Raiymbek batyr kóshesinen Qoshqarbaev dańǵylyna deiingi jol 8:00-den 10:40-qa deiin jabylady.
Saraishyq kóshesi boiymen Táýelsizdik dańǵylynan Máńgilik El dańǵylyna deiin qozǵalys saǵat 8:00-den 10:40-qa deiin toqtatylady.
Máńgilik el dańǵylynyń ainalma joldyń ońtústik jaǵynan Qonaev kóshesine deiingi bóligindegi qozǵalys saǵat 8:20-dan 10:40-qa deiin toqtatylady.
Qonaev kóshesimen qozǵalys Máńgilik el dańǵylynda jáne «Han Shatyr» SOO janynda saǵat 8:30-dan 11:30-ǵa deiin toqtatylady.
Dostyq kóshesi boiymen qozǵalys «Han Shatyr» SOO-dan Aqmeshit kóshesine deiin saǵat 8:30-dan 11:40-qa deiin toqtatylady.
Aqmeshit kóshesi boiyn jaǵalai Dostyq kóshesinen «EXPO» ortalyǵyna deiin qozǵalys saǵat 8:40-tan 12:00-ge deiin toqtatylady.
Joldardyń keptelýine bailanysty, júgirýge qatysýshylarǵa Rysqulov kóshesi men Máńgilik El dańǵylynyń qiylysyna deiin avtobýspen sóre ornyna («EXPO» HTO) jetý usynylady. Bastapqy qalanyń janynda turaq múmkin bolmaidy.
Joldardyń júktelý deńgeiiniń joǵary bolýyna bailanysty qatysýshylarǵa jarys ornyna («EXPO» HKO) Rysqulov kóshesi men Máńgilik El dańǵylynyń qiylysyna deiin avtobýspen jetý jóninde keńes beriledi. Jarys bastalatyn mańaida turaqqa kólik qoiý múmkin bolmaidy.
