23 jastaǵy Baqytbek Ámirhan Almatydaǵy juqpaly aýrýlar aýrýhanasynda 3 aidan beri jumys isteidi. Aýrýhanada oǵan «Dimash» degen laqap at qoiǵan. Jas sanitar naýqastarǵa jii-jii án salyp beredi, dep habarlaidy QazAqparat.
Baqytbek Ámirhan karantinge deiin meiramhanalarda án aityp, akterlik sheberlik boiynsha sabaq bergen. Eldegi karantin rejimine bailanysty ol jumyssyz qaldy. Sodan keiin, koronavirýsqa shaldyqqan naýqastardy emdeitin aýrýhanaǵa volonter retinde jumysqa ornalasty.
«Aýrýhanaǵa volonter retinde jumys isteý týraly sheshim qabyldadym. Ata-anam bul týraly bir aidan keiin bildi, sebebi, otbasymnyń men úshin alańdaǵanyn qalamadym. Gospitalda jumys istep júrip men kóptegen meditsinalyq daǵdylardy úirenip qana qoimai, ómirdi, týystarymdy qadirleýdi ári baǵalaýdy úirendim», - deidi Almaty turǵyny.
Jumys barysynda jas sanitar naýqastardy óz ónerimen tánti etti.
«Men kóptegen naýqastarmen birden til tabysyp kettim. Palatalaryna kelgenimde qatty qýanady. Olarǵa eki tilde óleń oqyp berem. Meniń ánderim olardy shabyttandyrady jáne rýhtaryn kóteredi», - dep bólisti Ámirhan.
Karantin aiaqtalǵannan keiin jas jigit shyǵarmashylyǵyn shyńdaýdy josparlap otyr.
«Men sheteldik án baiqaýlaryna qatysýdy armandaimyn. Sondai-aq, daryndy balalardy oqytatyn mektep ashqym keledi» - dep sózin aiaqtady Baqytbek Ámirhan.
