Foto: Qorǵanys ministrligi
Búgingi kúni sý tasqynyna qarsy is-sharalarǵa QR Qarýly Kúshinen 2193 adam jáne 16 qarý-jaraq pen áskeri tehnika jumyldyryldy. Bul týraly Astanada ótken brifingte QR Qorǵanys Ministrliginiń resmi ókili Rýslan Jangýlin baiandady dep habarlaidy "Ult Aqparat".
"Jaǵdaidyń turaqtanýy men sý deńgeiiniń tómendeýine bailanysty Qarýly kúshterdiń jeke quramy men áskeri tehnikasynyń bir bóligi Batys Qazaqstan, Soltústik Qazaqstan jáne Aqmola oblystarynan turaqty ornalasý pýnkterine qaitaryldy (jeke quram – 786 adam, QJjÁT – 25 birlik)", -dep málimdedi Jangýlin.
Vedomstvonyń resmi ókiliniń baiandaýynsha Atyraý oblysynda jergilikti turǵyndarǵa kómek kórsetilip, Jaiyq ózeniniń jaǵalaýyn nyǵaitý jumystary júrgizilgen. Qulsary kentinde 2000 metrlik jaǵalaý aýmaǵy tazartylyp, «Basshy ata» ortalyq ziratynyń, №15 orta bilim berý mektebiniń jáne turaqty sý qory saqtalǵan alańdardyń aýmaǵyna dezinfektsiia júrgizildi.
"Aqtóbe oblysynda Oiyl ózeni arqyly jergilikti halyqty, tehnika men júkterdi parommen ótkizý jalǵasýda (5 paromoreis oryndalyp, 17 kólik, 20 adam jáne 2 tonna júk tasymaldandy). Jaisańbai aýylynda jaǵalaýdy nyǵaitý jumystary júrgizildi. Aqtóbe qalasynda radiatsiialyq-himiialyq jáne biologiialyq qorǵaý bólimshesiniń mamandary áleýmettik mańyzy bar obektilerge dezinfektsiialaý jumystaryn júrgizdi.
Soltústik Qazaqstan oblysynda áskeri qyzmetshiler Petropavl qalasynda, Beskól kentinde jáne Smirnov aýylynda gýmanitarlyq kómekti túsirýge qatysty. Áskeri paromdarmen 2 reis jasalyp, Pribrejnyi aýylyna 326 adam jetkizildi.
Aqmola oblysynda áskeri qyzmetshiler Esil aýdanynyń Zarechnyi kentindegi ákimdikti, sý sorý stantsiiasyn, ashana men naýbaihanany elektrmen qamtamasyz etý boiynsha mindetterdi oryndady", -dep otyr Qorǵanys Ministrliginiń resmi ókili.
27 naýryz ben 29 sáýir aralyǵynda sý tasqynyna qarsy is-sharalarǵa Qarýly kúshterden jeke quramnyń 6 153 adamy, 255 birlik tehnika, armiialyq aviatsiianyń 12 tikushaǵy men 5 áskeri-kóliktik ushaǵy jumyldyrylǵan eken. Ushý ýaqyty 576 saǵat 7 minýtty quraityn 591 ushý jasaldy 3 475 adam evakýatsiialanyp, 1 770 adam jáne 233 471 keli júk tasymaldanǵan. Osy kezeńde barlyǵy 2,1 mln. astam qum salynǵan qapshyq daiyndalyp, tóseldi. Jalpy aýdany 435,47 Ga bolatyn 40 nysanǵa dezinfektsiia júrgizildi.
