Túrkistan qalasyndaǵy jańadan ashylǵan áýejaidan ushatyn alǵashqy halyqaralyq reisterge biletter satyla bastady. Bul týraly Óńirlik kommýnikatsiialar qyzmeti habarlady.
«Túrkistan – Ystanbul – Túrkistan» baǵytyndaǵy alǵashqy reis 2021 jylǵy 21 naýryzda ushpaq.
Bastapqyda Túrkistan jáne Ystanbul qalalary arasyndaǵy áýe qatynasy aptasyna turaqty túrde juma, jeksenbi kúnderi 2 rettik jiilikpen qoiylyp otyr. Keiin aptasyna 7 reiske deiin ulǵaiyp, kún saiyn ushpaq. Bilet baǵasy 39 999 teńgeden bastalady.
Áýe qatynasy kezinde barlyq tiisti sanitarlyq-epidemiialyq talaptar qatań saqtalady. Ushý kesteleri «FlyArystan» áýe kompaniiasynyń resmi saitynda jariialanyp turady.
