Aýlaý qarqyny qazirgi kezeńdegidei toqtaýsyz jalǵasa berse, 2050 jylǵa deiin Dúniejúzilik muhitta birde-bir balyq qalmaýy múmkin.
BUU aýyl sharýashylyq jáne azyq-túlik uiymynyń (FAO) derekterine sáikes, teńiz balyq aýlaý kásipshiliginiń 90 paiyzy meńgerilgen. Onyń alpys paiyzy belsendi qoldanylyp jatsa, qor men taǵy 30 paiyzy sarqylýǵa taiaý.
Biraq másele munymen aiaqtalmaidy, eger adamdar bul isin jalǵastyra berse, 30 jyldan keiin birde-bir balyq qalmaýy múmkin.
BUU ortasha boljamy boiynsha, 2050 jylǵa qarai Jer halqynyń sany úshten bir bólikke - 9 milliard adamǵa deiin artady jáne azyq-túlik jetispeitin bolady. Qazir aýyl sharýashylyǵy qajettiligine jerdiń 50 paiyzy paidalanylýda jáne ósimdikter belsendi ósýi múmkin. Jerdi shamadan tys paidalanǵannan topyraqtar qunarsyzdana bastaidy. Oǵan qosa, tyńaitqyshtardyń kóptiginen betki sýlar (kólder, ózender, batpaqtar) lastanady. Al azyq-túlikti óndirý jáne tasymaldaý klimattyń ózgerýine ákep soǵatyn barlyq antropogendik parniktik gaz qaldyqtarynyń 30 paiyzyn quraidy.
Álemniń túrli elderinde WWF uiymdastyratyn biylǵy jer saǵaty adamzattyń tabiǵatqa jaýapty qaraý taqyrybyna arnalady. Ol 25 naýryz kúni 20:30-da bastalady. Uiym ǵalamshar bolashaǵyna bei-jai qaramaityn qatysýshylardy 1 saǵatqa jaryqty, turmystyq elektr qurylǵylaryn sóndirýge shaqyrady.
