Qazaqstannyń birqatar óńirinde aptap ystyqtyń beti qaityp, aýa raiy birshama salqyndaidy. Sinoptikterdiń boljamynsha, respýblika aýmaǵyna tsiklon yǵysyp kelip, kóptegen óńirde jańbyr jaýyp, naizaǵai oinaidy, dep habarlaidy ult.kz.
Meteorologtardyń málimetinshe, tsiklonnyń áserinen elimizdiń soltústik óńirlerinde aýa raiy qubylmaly bolady. Kei jerlerde burshaq jaýyp, jeldiń ekpini kúsheiedi. Sonymen qatar jekelegen aýdandarda shańdy daýyldar tirkelýi múmkin.
Aýa raiyndaǵy ózgeristerden keiin soltústik jáne ortalyq óńirlerdiń turǵyndaryn kópten kútken salqyn kúnder kútip tur. Bul aimaqtarda kúndizgi aýa temperatýrasy +23...+28 gradýs aralyǵynda bolyp, jaily deńgeige túsedi.
Alaida elimizdiń barlyq óńirinde ystyqtyń beti birdei qaitpaidy. Qazaqstannyń ońtústik jáne shyǵys aimaqtaryna Ózbekstan aýmaǵynan qurǵaq ári jyly aýa massalarynyń kelýi jalǵasady. Sonyń saldarynan bul óńirlerde joǵary temperatýra saqtalyp, synap baǵany +33...+38 gradýsqa deiin kóteriledi.
Sinoptikterdiń boljamynsha, jekelegen aýdandarda aýa temperatýrasy +40 gradýsqa deiin jetip, óte qatty ystyq bolýy yqtimal.
Osyǵan bailanysty mamandar turǵyndarǵa aýa raiy boljamdaryn qadaǵalap, ásirese kúnniń ystyq ýaqytynda saqtyq sharalaryn ustanýǵa keńes beredi.
