Foto: Pexels.com
2025 jyly balalardy qosymsha bilim berýmen qamtý 3,2 mln baladan 3,4 mln-ǵa deiin ulǵaidy. Olardyń 62%-y tegin úiirmeler men sektsiialarǵa qatysady-bul ótken jylmen salystyrǵanda 10%-ǵa artqanyn kórsetedi, dep habarlaidy Ult.kz.
2025 jyly balalardy qosymsha bilimmen qamtý oqýshylardyń jalpy sanynan 3,2 mln-nan 3,4 mln-ǵa deiin ósti. Olardyń 62 paiyzy tegin úiirmeler men sektsiialarǵa barady, bul kórsetkish ótken jylmen salystyrǵanda 10 paiyzǵa joǵary.
Búginge elimizde 380 túrli baǵyttaǵy úiirmeler boiynsha qyzmet kórsetetin 2142 mektepten tys uiym jumys isteidi.
Aita óteiik, qosymsha bilimmen qamtylǵan balalardyń úlesi 2020 jyly 63,5% bolsa, 2025 jyly 87,2%-ǵa deiin ósti.
«Oqý-aǵartý ministrligi turǵylyqty jerine qaramastan, balalardyń barlyq sanattary úshin qosymsha bilimge teń qoljetimdilikti qamtamasyz etýge erekshe nazar aýdarady. Ótken jyly elimizde 1713 mektepten tys uiym jumys istese, biyl olardyń sany 25%-ǵa artyp, 400-den astam jańa qosymsha bilim berý uiymy ashyldy», - dep atap ótti Tárbie jumysy jáne qosymsha bilim berý departamentiniń basqarma basshysy Altai Rahymberlin.
Memleket basshysynyń tapsyrmasy boiynsha elimizdiń 12 óńirinde 22 oqýshylar saraiynyń qurylysy júrgizilýde. Onyń ishinde 5 qosymsha bilim berý nysany Soltústik Qazaqstan, Pavlodar oblystary men Almaty jáne Shymkent qalalarynda paidalanýǵa berildi.
